بۇل تۋرالى وڭىرلىك كوممۋنيكاسيالار قىزمەتى الاڭىندا وتكەن بريفينگتە ماڭعىستاۋ وبلىستىق ءبىلىم باسقارماسى باسشىسىنىڭ ورىنباسارى نۇرلىبەك قويجانوۆ مالىمدەدى.            

تاتارستان رەسپۋبليكاسىنىڭ استاناسى قازاندا  وتكەن چەمپيوناتقا الەمنىڭ 63 ەلىنەن، 1354 قاتىسۋشى جينالدى. ولاردىڭ ىشىندە 34 قازاقستاندىق بار. ولار قىزمەت كورسەتۋ سالاسى، كولىك جانە لوگيستيكا، شىعارماشىلىق جانە ديزاين، ءوندىرىس جانە ينجەنەرلىك تەحنولوگيالار، قۇرىلىس جانە قۇرىلىس تەحنولوگيالارى، اقپاراتتىق جانە كوممۋنيكاسيالىق تەحنولوگيالار سياقتى التى باعىتتاعى ماماندىق، 56 قۇزىرەتتىلىك بويىنشا باسەكەگە ءتۇستى.

قازاقستاننان بارعان 34 قاتىسۋشىنىڭ ۇشەۋى - ماڭعىستاۋلىقتار. ولار ماڭعىستاۋ تۋريزم كوللەدجىنىڭ ستۋدەنتتەرى: «نان ءپىسىرۋ شەبەرى» قۇزىرەتتىلىگى بويىنشا مارقابايەۆا اسەم، «كونديتەر ءىسى» بويىنشا كابييەۆا كاميلا، «ءقوناقۇي اكىمشىلىگى» بويىنشا سانايلوۆا سەرۆانا باقتارىن سىنادى.            

سونىمەن قاتار، چەمپيونات اياسىندا جاس كاسىبي شەبەرلەر اراسىندا وتكەن «Juniorskills Kazan 2019» چەمپيوناتىنا دا ماڭعىستاۋ وبلىسىنان 2 قاتىسۋشى قاتىستى. ولار «مەيرامحانا ءىسى» قۇزىرەتتىلىگى بويىنشا ماڭعىستاۋ تۋريزم كوللەدجىنىڭ ستۋدەنتى ۋنايبايەۆ رەنات جانە «مايلاۋ جانە بەزەندىرۋ جۇمىستارى» قۇزىرەتتىلىگى بويىنشا جاڭاوزەن قىزمەت كورسەتۋ جانە جاڭا تەحنولوگيالار كوللەدجىنىڭ ستۋدەنتى تۇرار ەرداۋلەت 2 ورىن «كۇمىس مەدال» يەگەرى اتاندى. ال قازاقستان 63 ەلدىڭ ىشىندە جالپىكوماندالىق ەسەپتە 14- ورىندى يەلەندى.           

بۇل چەمپيونات جاستارعا وزدەرىنىڭ شەبەرلىكتەرىن كاسىبي دەڭگەيدە  كورسەتىپ، ءبىلىمى مەن بىلىكتىلىگى ارقىلى بولاشاقتا ماماندىق تاڭداۋلارىنا دا ۇلكەن مۇمكىندىك بولماق. ايتا كەتەيىك كەلەسى چەمپيونات 2021 جىلى شانحاي قالاسىندا وتپەك.