"ادالدىق الاڭى" جوباسى اياسىندا الەۋمەتتىك نىساندار مەن ينفراقۇرىلىم بيۋدجەتىن پايدالانۋ تيىمدىلىگىن باعالاۋ ماقساتىندا "پارلامەنتاريزمدى دامىتۋ قورى" قق باستاماسىمەن جانە نيدەرلاندى ەلشىلىگىنىڭ قارجىلىق قولداۋىمەن "اشىق بيۋدجەتتىڭ ينتەراكتيۆتى كارتاسى" (publicbudget.kz) ەنگىزىلگەن.
كارتا ناقتى ۋاقىت رەجيمىندە قالالىق وبەكتىلەردىڭ قۇرىلىسى، جوندەۋ جانە كۇتىپ ۇستاۋ ءۇشىن بولىنگەن بيۋدجەت قاراجاتى تۋرالى ەگجەي-تەگجەيلى مالىمەتتى كورسەتەدى. كەز كەلگەن ازامات تاۋلىگىنە 24 ساعات بويى انىقتالعان بۇزۋشىلىق تۋرالى حابارلاي الادى.
سونداي-اق جوبا اياسىندا حالىقتىق قاتىسۋ بيۋدجەتىن كەزەڭ-كەزەڭمەن ەنگىزۋ شەڭبەرىندە "باستاماشى بيۋدجەت" ءمودۋلىن قۇرۋ پىسىقتالۋدا.
جوبانىڭ اياسىندا سىبايلاس جەمقورلىققا قارسى قىزمەت ورگاندارىنىڭ ۇيلەستىرۋىمەن قوعامدا پاراساتتىلىق مادەنيەتىن ۇدەمەلى قالىپتاستىرۋ ماقساتىندا ەلىمىزدە كۇن سايىن سىبايلاس جەمقورلىققا قارسى باعدارلانۋدىڭ، شامامەن ءارتۇرلى فورماتتاعى شامامەن 500-گە جۋىق ءىس-شاراسى وتكىزىلۋدە (ەلىمىزدىڭ ءار اۋدانىندا كەمىندە ۇشەۋ). وسىلايشا، ەڭ قاشىق اۋىلدار مەن كەنتتەردى قوسا العاندا، رەسپۋبليكانىڭ بارلىق ەلدى مەكەندەرىنىڭ تۇرعىندارى سىبايلاس جەمقورلىققا قارسى ناسيحاتپەن قامتىلعان.
جوبا بۇگىنگى كۇنى مەملەكەت پەن قوعام اراسىنداعى وزگەشە «دانەكەرگە» اينالدى، وسىنىڭ ناتيجەسىندە قوعامداستىق وكىلدەرى سىبايلاس جەمقورلىققا قارسى جۇرگىزىلىپ جاتقان ساياسات تۇرعىسىنان پىكىرىن ايتىپ قانا قويماي، سونىمەن قاتار ونى ىسكە اسىرۋعا تىكەلەي قاتىسا الادى.
ازاماتتاردىڭ 7 مىڭنان استام ءوتىنىشى (اعىمداعى جىلدىڭ ەكىنشى توقسانىنداعى) ولاردىڭ «ادالدىق الاڭى» جوبالىق كەڭسەلەرىنە دەگەن سەنىمىن كورسەتەدى، ولاردىڭ ۇشتەن ءبىرى وزدەرىنىڭ بۇزىلعان قۇقىقتارىن تولىقتاي قالپىنا كەلتىردى جانە پروبلەمالىق سۇراقتارىن شەشكەن.
پىكىر قالدىرۋ