«Microsoft» كومپانياسى باسشىلىق قىزمەتىنىڭ ديرەكتورى ساتيا نادەللا الەمنىڭ ەڭ ۇلكەن كومپانياسىنىڭ تاعى دا جۇمىسكەرلەرىن قىسقارتاتىنىن جاريالادى.

الەمدەگى ەڭ ءىرى باعدارلامالارمەن قامتاماسىز  ەتەتىن «Microsoft كومپانياسى شىعىندارىن ازايتۋ ماقساتىندا كوپتەگەن جۇمىس ورىندارىن قىسقارتۋدى جوسپارلاعان»،-دەپ حابارلايدى «نيۋ-يورك تايمس» گەزەتى.

«بۇل جولعى بۇكىل كومپانيالىق ىقشامداۋ - وتكەن جىلعى 18000 جۇمىس ورنىن قىسقارتۋدىڭ  جالعاسى »،-دەيدى اتالمىش اقپارات كوزى.

بۇل قىسقارتۋلار - كومپانيانىڭ اپپاراتتىق توبى مەن وتكەن جىلى Nokia كومپانياسىنان وتكىزىپ العان سمارتفون بيزنەسىنە باعىتتالعان كورىنەدى.

الايدا، ازىرگە Microsoft كومپانياسى بۇل تۋرالى ەشقانداي تۇسىنىكتەمە بەرمەگەن.

وتكەن جىلى شىلدەدە Microsoft باسشىسى ساتيا نادەللا تەح-يندۋستريا تاريحىنداعى ەڭ ءىرى قىزمەتتىك قىسقارتۋدىڭ، ياعني 18000 جۇمىس ورنىنىڭ ىقشامدالاتىنىن ايتقان بولاتىن. بۇل  بۇكىل كومپانيا جۇمىس كۇشىنىڭ 14 پايىزىن قۇرايدى ەكەن. ول كەزدە ۇيالى تەلەفوندار وندىرەتىن Nokia-نىڭ جوعارى باسشىسى ستيۆەن ەلوپ جانە ودان باسقا ءۇش جوعارى باسشىنىڭ جۇمىستان كەتەتىندىگى ايتىلعان ەدى.

تالعار دالەلعازى