ۋكراينانىڭ جوعارعى راداسىنىڭ دەپۋتاتتارى ۋكراينا تەرريتورياسىندا رف-نى «روسسيا» نەمەسە «رۋس» دەپ اتاۋعا تىيىم سالدى. بۇل تۋرالى «قامشى» پورتالى «سۆوبودنايا پرەسسا» باسىلىمىنا سىلتەمە جاساي وتىرىپ حابارلايدى.

جاقىندا ۋكراينانىڭ جوعارعى راداسى ەل اۋماعىندا رف، روسسيا، رۋس سوزدەرىن قولدانۋعا كونستيتۋسيالىق شەكتەۋ قويدى. سەبەبى، بۇل اتاۋلار نەگىزىنەن ۋكراينانىڭ تاريحي اتاۋلارى جانە ول ۋكراينا مەن رەسەيدىڭ بۇرىنعى وداعىن ەسكە سالىپ تۇراتىندىعى-مىس.

وسىنداي ۇسىنىسپەن ۋكراينا راديكالدى پارتياسىنىڭ جەتەكشىسى ولەگ لياشكو مەن دەپۋتات وكسانا كورچينسكايا بايانداما جاساعان. ولاردىڭ ايتۋىنشا، رەسەي فەدەراسياسىنىڭ  رەسمي سينونيمدىك اتاۋى  رەتىندە  «روسسيا» نەمەسە «رۋس» دەۋ ۋكراينا مەملەكەتىنىڭ ۋاقىتشا ەكەندىگىن بىلدىرەتىن اگرەسسيۆتى اتاۋ بولىپ تابىلادى. ۋكرايناداعى جاڭا زاڭ جوباسىندا كورسەتىلگەن نەگىزدەمەلەر تەك قاراپايىم حالىققا عانا ەمەس، مەملەكەتتىك مەكەمەلەردە، رەسمي قۇجاتتاردا، باق-تا، جارنامالاردا، وقۋلىقتار مەن جول بەلگىلەرىندە  ت.ب. ۋكراينا تەرريتورياسى اۋماعىندا تولىعىمەن قولدانۋعا تىيىم سالادى.

ال اتالمىش زاڭ جوباسىن بۇزعان (ياعني، ۋكراينا تەرريتورياسىندا «روسسيا» نەمەسە «رۋس» ءسوزىن قولدانعان) جاعدايدا ۋكراينانىڭ تەرريتوريالىق تۇتاستىعىنا ءشۇبا كەلتىردى، ۋكراينانىڭ دەربەستىگىن مويىندامادى دەگەن ايىپتار تاعىلىپ، 12 جىلعا باس بوستاندىعىنان ايىرۋ جازاسى كەسىلەتىن بولادى.

نۇرزات توعجان