جاز باستالا سالىسىمەن الماتى قالاسىنداعى «استانا» الاڭىن  قالا جاستارى جارىس وتكىزەتىن ورىنعا اينالدىرادى. مۇندا ءتۇرلى ويىندار ۇيىمداستىرىلىپ، كولىكتەر جارىسادى. جارىس پەن ساۋىقتىڭ ناتيجەسىندە تولە بي مەن ابىلاي حان كوشەلەرى ورنالاسقان  اۋماق ءتۇننىڭ ورتاسىندا ازان-قازان شۋدىڭ ورداسىنا اينالادى. وسىعان بايلانىستى  «ەسكى الاڭ» ماڭىندا تۇراتىن قارتتار مەن جاس بالالى انالار قۇقىق قورعاۋ مەكەمەسىنە شاعىم تۇسىرگەن بولاتىن. تۇسكەن شاعىمدى ەسكەرە وتىرىپ، اتالمىش الاڭعا تۇنگى ساعات 22-دەن باستاپ، تاڭعى 6-عا دەيىن كولىك قويۋعا بولمايتىندىعى تۋرالى بەلگى ورنالاستىرىلعان. الايدا ساۋىقشىل جاستار ورناتىلعان بەلگىگە قاراماستان، مۋزىكانى قاتتى قويىپ، دۋماندارىن جالعاستىرا بەرۋدى ءجون ساناعان. بۇل تۋرالى الماتى قالاسىنىڭ ءىىب باسپا ءسوز قىزمەتىنە سىلتەمە جاساي وتىرىپ، «قامشى» پورتالى حابارلايدى. كەشە قالا تۇرعىندارىنىڭ تىنىشتىعىن ساقتاۋ بارىسىندا ارنايى رەيد جۇرگىزىلدى. بەلگى قويىلعان جەرگە كولىگىنە تۇراق جاساعانى ءۇشىن العاشقى ءبىر ساعاتتىڭ ىشىندە-اق ءتورت جۇرگىزۋشىگە اكىمشىلىك قۇجات تولتىرىلعان.