ءقادىر سۇرەسىنىڭ "ساندىق" تۇرعىدا دا وزىندىك كەرەمەتىنىڭ بار ەكەنىن بايقاۋ قيىن ەمەس. سۇرەنى ساندىق تۇرعىدا تالقىلايتىن بولساق، بۇل سۇرە ءقادىر ءتۇنىن رامازان ايىنىڭ 27-نە ساي كەلەتىنىن ناقتىلاپ تۇرعان سىڭايلى. دالىرەك ايتقاندا: 

1). ءقادىر سۇرەسىندەگى ايتىلعان سوزدەردىڭ سانى 30 (وتىز) ەكەن. قۇراندا "وتىز" پارا.

2). سۇرەدەگى ارىپتەردىڭ سانى 114 (ءجۇز ون ءتورت). قۇراندا "114" سۇرە بار.

3). سۇرەنىڭ بەسىنشى اياتىنداعى "ول" دەگەن ماعىنانى بىلدىرەتىن اراپشا ماتىنىندەگى "ھيا-هي" ءسوزى سۇرەدەگى سوزدەردىڭ ساندىق رەتى بويىنشا، 27ء-شى ءسوز. ءقادىر ءتۇنى رامازان ايىنىڭ 27-نە ساي كەلەدى. ("ول بەيبىتشىلىك كەشى - تاڭ راۋانداعانعا دەيىن جالعاسادى". ءقادىر سۇرەسى، 5-ايات).

4). سۇرەنىڭ اراپشا ماتىنىندەگى "ءقادىر" ءسوزى 5ء-شى، 10ء-شى جانە 12ء-شى سوزىندە كەزدەسكەن. وسى ءۇش ساندى بىر-بىرىنە قوسار بولساق جيىرما جەتىگە تەڭ بولادى: 5+10+12=27. بۇل دا ءقادىر ءتۇنىنىڭ رامازاننىڭ 27-سىنە ساي كەلەتىنىن يشارا ەتىپ تۇرعانداي.  

5). سۇرەدەگى "ءلايلاتۋل ءقادىر" ءسوزى (ماعىناسى - ءقادىر ءتۇنى) سۇرەدە 3 (ءۇش) مارتە كەزدەسەدى جانە ول 9 (توعىز) ارىپتەن تۇرادى (ليلة القدر). ال، ەندى، ءۇشتى توعىزعا كوبەيتكەندە جيىرما جەتىگە تەڭ (3*9=27). دەمەك، ءقادىر ءتۇنى رامازان ايىنىڭ جيىرما جەتىسىنە ساي كەلەتىنىن وسىدان دا بايقاۋعا بولاتىن سىقىلدى.

ەسكەرتۋ: 

اتالمىش سۇرەنىڭ ساندىق تۇرعىدا تالدانۋى "شاريعي دالەل" رەتىندە ەسەپتەلمەيدى. ءقادىر ءتۇنى رامازاننىڭ پالەن كۇنىنە ساي كەلەدى دەپ ايتا الۋىمىز ءۇشىن ناقتى ايتىلعان شاريعي دالەلدەرگە سۇيەنۋىمىز كەرەك. جوعارىداعى ماقالا سۇرەنىڭ ەرەكشەلىگىن جانە استارىنداعى تەرەڭدە جاتقان ءمان-ماعىنالارىن جارىققا شىعارۋ ماقساتىندا بەرىلىپ وتىر دەپ تۇسىنگەنىمىز ءجون. 

اۋدارىپ، دايىنداعان: ابدۋسامات قاسىم.

يسلام.كز