تۇركيانىڭ سيريامەن شەكارالاساتىن ايماعىندا ورنالاسقان سۋرۋچ قالاسىندا جارىلىس بولىپ، سالدارىنان 27 ادام قازا تاپتى. بۇل تۋرالى «قامشى» پورتالى  Reuters-كە سىلتەمە جاساي وتىرىپ حابارلايدى. تاعى جۇزگە جۋىق ادام جاراقات العان. بۇل تۋرالى  تۇركيا ءىىم مالىمدەگەن. وقيعا قالاداعى مادەني ورتالىقتاردىڭ بىرىندە ورىن العان. 

مينيسترلىك وكىلدەرى جارىلىس سەبەبىن لاڭكەستىكپەن بايلانىستىرىپ وتىر. ۇكىمەتتەگى دەرەككوزدەردىڭ حابارلاۋىنشا، جارىلىستى "يسلام مەملەكەتىنىڭ" جانكەشتىلەرى جاساعان.

كۇردىلەردىڭ حالىقتىق-دەموكراتيالىق پارتياسىنىڭ دەپۋتاتى پەرۆين بۋلداننىڭ ايتۋىنشا، جارىلىسقا جانكەشتىنىڭ قانشالىقتى قاتىسى بار ەكەنى تەكسەرىلىپ جاتقان كورىنەدى. ونىڭ ايتۋىنشا، جارىلىس بولعان ساتتە مادەني ورتالىقتىڭ ىشىندە كۇردى جانە تۇرىك جاستارى جينالعان ەكەن. ولار سيريانىڭ كوباني قالاسىنا بارىپ، شاھاردى قالپىنا كەلتىرۋ ءۇشىن جوسپار قۇرۋعا باس قوسقان.

ايتا كەتەيىك، سۋرۋچ پەن  كوباني قالالارى شەكارانىڭ بويىندا، بىر-بىرىنە قاراما-قارسى ورنالاسقان. نەگىزىنەن كۇردىلەردىڭ باقىلاۋىنداعى كوباني قالاسىنا 2014 جىلدىڭ قازانىنان باستاپ 2015 جىلدىڭ قاڭتار ايىنا دەيىن "يسلام مەملەكەتى" لاڭكەستىك ۇيىمىنىڭ سودىرلارى شابۋىل جاساعان بولاتىن. 

نۇرزات توعجان