ۋكراينا پرەزيدەنتى ۆلاديمير زەلەنسكيي ەلباسى نۇرسۇلتان نازاربايەۆتىڭ رەسەي فەدەراسياسىنىڭ پرەزيدەنتى ۆلاديمير پۋتينمەن قازاقستاندا كەزدەسۋ وتكىزۋ تۋرالى ۇسىنىسىنا جاۋاپ بەردى دەپ جازادى Qamshy.kz اقپارات اگەنتتىگى.
ءسوز باسىندا زەلەنسكيي نازاربايەۆپەن دونباسستاعى جاعداي تۋرالى سويلەسكەنىن ايتتى. سونداي-اق نۇرسۇلتان نازاربايەۆقا دونباستاعى بەيبىتشىلىك پەن ۋكراينانىڭ اۋماقتارىن قايتارۋ ءۇشىن كەز-كەلگەن كەزدەسۋلەرگە دايىن ەكەندىگىن ايتتى.
سونىمەن بىرگە، ۋكراينا پرەزيدەنتى «نومادتىق» كەزدەسۋلەر فورماتى ول ءۇشىن ەڭ ماڭىزدى بولىپ تابىلاتىندىعىن تىلگە تيەك ەتتى.
ەستەرىڭىزگە سالساق، بۇعان دەيىن ەلباسى ۆلاديمير پۋتين مەن ۆلاديمير زەلەنسكييدىڭ كەزدەسۋىن قازاقستاندا وتكىزۋ تۋرالى باستاما كوتەرگەن بولاتىن. نازاربايەۆتىڭ ايتۋىنشا، ءبىزدىڭ ەلدىڭ اۋماعى بەيتاراپ، سوندىقتان ەكى ەل باسشىلارىنىڭ بەتپە-بەت كەلىسسوزدەرى ءۇشىن ەڭ قولايلى.
