جاقىندا «NewTimes.kz» سايتى قازاقستاندىق دەپۋتاتتاردى «مەملەكەت بەرگەن قىزمەتتىك ۇيلەرىنەن ايىرۋ كەرەك پە؟» دەگەن  ساۋالناما جاساعان. ساۋالناما قورىتىندىسى بويىنشا، قازاقستاندىقتاردىڭ باسىمكوپشىلىگى  دەپۋتاتتار مەن شەنەۋنىكتەردى  قىزمەتتىك پاتەرلەرىنەن ايىرۋ ءتيىس دەپ ەسەپتەيدى ەكەن. سونداي-اق، ساۋالناماعا قاتىسقان ءار ەكىنشى داۋىس بەرۋشىنىڭ پىكىرى وسىعان سايعان. بۇل تۋرالى «قامشى» پورتالى حابارلايدى.

جاقىندا عانا ق ر پارلامەنتىنىڭ قوس پالاتا دەپۋتاتتارى كەزەكتى دەمالىستارىنا شىققان بولاتىن. ال «NewTimes.kz»   سايتىنىڭ ساۋالناماسى حالىق قالاۋلىلارىنىڭ ەڭبەك دەمالاسى كەزەڭىنە تۇسپا-تۇس كەلىپ وتىر.  

سايت اۆتورلارىنىڭ ايتۋىنشا، قازاقستاندىق دەپۋتاتتار مەملەكەت ءبولىپ بەرگەن استاناداعى جىلى ۇيلەرىن تاستاپ، كەزەكتى ەڭبەك دەمالاسىنا تاراعان. دەسە دە الەم ەلدەرى جاھاندىق داعدارىستىڭ سالقىنىن سەزىپ، الەمدىك ەكونوميكا اۋىر كەزەڭنىڭ الدىندا تۇر دەيدى. ەلباسىنىڭ ءوزى – مەملەكەت قارجىسىن وڭدى-سولدى شاشۋدى توقتاتۋ كەرەكتىگىن، الدىمىزدا كەلە جاتقان ەكونوميكالىق داعدارىستىڭ سالدارى اۋىر تيەتىنىن ەسكەرتكەنىمەن، نەگىزگى سالماق قارا حالىقتىڭ يىعىنا تۇسەتىنى بەلگىلى.

ال، سايت اۆتورلارى «وسىنداي الاعاي دا، بۇلاعاي شاقتا قازاقستاندىق «زاڭشىعارۋشىلار»  «سالىقتولەۋشىلەردىڭ» ەسەبىنەن ۇلكەن اپپارتامەنتتەردە تۇرۋى ءتيىس پە»،- دەگەن سۇراقتى وقىرمانعا قويعان. ساۋالناما ناتيجەسى تومەندەگىدەي بولعان.

داۋىس بەرۋشىلەردىڭ 49،6 پايىزى – داۋىس بەرۋشىلەردىڭ ەسەبىنەن كۇن كورىپ جۇرگەن دەپۋتاتتاردىكى ۇيات جاعداي دەپ ەسەپتەسە، 26،2 پايىز رەسپوندەنت ولاردىڭ ءارقايسىسىنىڭ استانادا جەكە مۇلكى بار دەپ ەسەپتەيدى ەكەن. ەڭ قىزىعى 12،1 پايىز داۋىس بەرۋشىلەر ماجىلىسمەندەر مەن سەناتورلاردى جالدامالى پاتەرلەرگە كوشىرۋدى قولداعان.

ءيا، 6،2 پايىز داۋىس بەرۋشى عانا دەپۋتاتتاردى جاقتاپ، ولارعا دەگەن سەنىمنىڭ جوعالماعانىن بىلدىرسە، 3،2 پايىز رەسپوندەنت ولاردىڭ حالىق ءۇشىن قالتقىسىز جۇمىس ىستەپ وتىرعاندارىنا سەنەدى ەكەن. ءيا، ايتپاقشى، 3 پايىز داۋىس بەرۋشىلەر – قازاقستاندىق دەپۋتاتتار ءبىر عانا جالاقىعا جۇمىس جاسايدى دەپتى. ال، ساۋالناماعا بارلىعى 821 ادام قاتىسقان.

نۇرزات توعجان