ق ر ءسىم «الماتى-ماسكەۋ» ۇشاعىندا قازا تاپقان  قازاقستاندىق ازاماتشانىڭ جەكە تۇلعاسىن انىقتالدى. بۇل تۋرالى «قامشى» پورتالى ق ر ءسىم باسپا ءسوز قىزمەتىنە سىلتەمە جاساي وتىرىپ حابارلايدى.

ق ر ءسىم «الماتى-ماسكەۋ» رەيسى بويىنشا ۇشاقتىڭ 20-شىلدە كۇنى اپاتتى جاعدايدا سامارا قالاسىنداعى  كۋرۋموچ اۋەجايىنا  قونعانىن راستاعان.

قازاقستاننىڭ استراحانداعى ەلشىلىگى سامارا قالالىق قۇقىق قورعاۋ قىزمەتكەرلەرىنە بايلانىسقا شىققان. سامارالىق قۇقىق قورعاۋشىلار قازا تاپقان قازاقستاندىق ازاماتشا تۋرالى تولىق اقپاراتتى ق ر ەلشىلىگىنە جەتكىزگەن. كەيىن انىقتالعانداي، قازا تاپقان ازاماتشا – قاراعاندى قالاسىنىڭ 64 جاستاعى تۇرعىنى – ۆاسيليەۆا يۋليا پەتروۆنا ەكەن.

ازاماتشا الماتىدان ماسكەۋگە باعىت العان 206-رەيستە قازا بولعان. قازىرگى تاڭدا ونىڭ كۇيەۋى مەن جاقىندارى سامارا قالاسىندا.  قۇقىق قورعاۋ قىزمەتكەرلەرىنىڭ مالىمەتىنە سۇيەنسەك، قازا بولعان ازاماتشانىڭ دەنەسىنەن زورلىق-زومبىلىق ارەكەتتىڭ ايعاقتارى كەزدەسپەگەن.

«ءبىزدىڭ استراحانداعى ەلشىلىك قازا بولعان ازاماتشانىڭ تۋىستارىنا بارلىق كومەكتى ۇسىنعان. الايدا، ءمايىتتى ەلگە اكەلۋ جۇمىستارىمەن ازاماتشانىڭ تۋىستارى وزدەرى اينالىسۋدا. دەگەنمەن، بىزدە قاراپ وتىرمايمىز. قولىمىزدان كەلگەنشە كومەگىمىزدى كورسەتۋدەمىز»،-دەيدى باسپا ءسوز قىزمەتىنىڭ جەتەكشىسى انۋار جايناقوۆ.

نۇرزات توعجان