ەلباسى ەردوعانعا كوڭىل ايتتى

    Darkhan Muqantegi
    ەلباسى ەردوعانعا كوڭىل ايتتى

    قازاقستان پرەزيدەنتى نۇرسۇلتان نازاربايەۆ تۇركيانىڭ سۋرۋچ قالاسىنداعى تەراكتىدەن ونداعان ادامنىڭ قازا تابۋىنا بايلانىستى سول ەلدىڭ پرەزيدەنتى رەجەپ تايىپ ەردوعانعا كوڭىل ايتتى.

    اقوردانىڭ باسپا ءسوز قىزمەتىنىڭ حابارلاۋىنشا، نازاربايەۆ كوڭىل ايتۋ تەلەگرامماسىندا تەراكتىدەن وتىز ەكى ادام قازا تاۋىپ، جۇزدەن استام ادام جاراقات العانى تۋرالى حاباردى "قايعىرا قابىلداعانىن" ايتقان.​ قازاقستان پرەزيدەنتى بارلىق قازاقستاندىقتار مەن ءوز اتىنان قۇربانداردىڭ تۋىستارىنا جانە تۇركيالىقتارعا كوڭىل ايتىپ، زارداپ شەككەندەردىڭ تەزىرەك ساۋىعىپ كەتۋىن تىلەگەن.

    20 شىلدەدە تۇركيانىڭ سيريامەن شەكاراسىنا جاقىن سۋرۋچ قالاسىندا مادەني ورتالىقتا جارىلىس بولىپ، 32 ادام قازا تاۋىپ، 100-دەن استام ادام جارالانعان. جارىلىستى "يسلام مەملەكەتى" ەكسترەميستىك ۇيىمى موينىنا الدى.

    نۇرزات توعجان

    قاتىستى ماقالالار

    ءبارىمىز قازاقپىز عوي!

    ءبارىمىز قازاقپىز عوي!

    12:57، 06 ناۋرىز 2025