اتىراۋ وبلىسىنا قاراستى جىلىوي اۋداندىق ءاىىب-نىڭ ەكى بىردەي باستىعى جۇمىستان تىس ۋاقىتتا، ساۋنادا توبەلەسىپ قالدى. بۇل تۋرلى «قامشى» پورتالى «اقجايىققا» سىلتەمە جاساي وتىرىپ حابارلايدى.

اتالمىش شۋلى وقيعانىڭ شىن مانىندە ورىن العاندىعىن وبلىستىق ءىىب-نىڭ باسپاسوز-قىزمەتى جەتەكشىسى گۇلنازيرا مۇحتاروۆۆا راستاپ وتىر.

«شۋلى وقيعا كەشكى ساعات 20:00 شاماسىندا ورىن العان. اتىراۋ وبلىسىنا قاراستى جىلىوي اۋداندىق ءاىىب-نىڭ قوس بىردەي باستىعى ساۋنادا توبەلەسىپ قالعان. ءقازىر اتالمىش  وقيعاعا قاتىستى قىلمىستىق ءىس قوزعالىپ، قوس بىردەي پوليسيا باستىعىنا «بۇزاقىلىق جاساۋ» بابى بويىنشا ايىپ تاعىلۋدا. ءقازىر تەرگەۋ جۇمىستارىمەن اتىراۋ وبلىستىق ءىىب اينالىسۋدا»،-دەيدى گۇلنازيرا مۇحتاروۆا.

 وقيعا قۇلسارى قالاسىنداعى ساۋنالاردىڭ بىرىندە ورىن العان. اتالمىش وقيعاعا قاتىستى وزگە اقاپاراتتار جاسىرىن ساقتالۋدا.

نۇرزات توعجان