ق ر پرەمەر-مينيسترى اسقار مامين جانە ازەربايجان پرەمەر-مينيسترى الي اسادوۆ اقتاۋ قالاسىندا وتكەن كاسپيي تەڭىزىنىڭ تۇبىندە ەكى ەل اراسىنداعى بايلانىستىڭ تالشىقتى-وپتيكالىق جەلىسىن (توبج) سالۋ بويىنشا «Trans Caspian Fiber Optic» (TCFO) سالۋدى باستاۋ سالتاناتتى راسىمىنە قاتىستى.
جوبا ترانسقۇرلىقتىق بولا وتىرىپ، ەۋروپا مەن ازيا اراسىنداعى سيفرلىق تەلەكوممۋنيكاسيالىق ءدالىزدى قۇرادى. كاسپيي تەڭىزىنىڭ تۇبىندە ۇزىندىعى 380-400 شاقىرىمعا جۋىق بولاتىن كابەل تارتۋ جۇمىستارىن «ترانستەلەكوم» اق، «KazTransCom» اق جانە «AzerTelecom» ازەربايجان بايلانىس وپەراتورى جۇزەگە اسىرادى. توبج 2021 جىلدىڭ سوڭىنا قاراي پايدالانۋعا بەرىلەدى، ول كەمىندە 4-6 تەرابيت/س سىيىمدىلىقپەن اقپاراتتاردى جەتكىزۋگە مۇمكىندىك بەرەدى. 
«ازەربايجان – قازاقستاننىڭ ستراتەگيالىق سەرىكتەسى. ق ر تۇڭعىش پرەزيدەنتى – ەلباسى نۇرسۇلتان نازاربايەۆ، ازەربايجان حالقىنىڭ جالپىۇلتتىق كوشباسشىسى گەيدار الييەۆ جانە ودان كەيىن ار پرەزيدەنتى يلحام الييەۆ دوستىق پەن ءوزارا ءتيىمدى ىنتىماقتاستىق قاعيدالارىن ورناتقان. قازاقستان پرەزيدەنتى ق. توقايەۆ ەلباسىنىڭ سىرتقى ساياسي باعدارىن جالعاستىرا وتىرىپ، ازەربايجانمەن ەكىجاقتى قارىم-قاتىناستى دامىتىپ، تەرەڭدەتۋگە ەرەكشە كوڭىل بولەدى»، — دەدى ا. مامين.
قازاقستان ۇكىمەتىنىڭ باسشىسى «Trans Caspian Fiber Optic» بىرلەسكەن جوباسى دەرەكتەردى بەرۋدىڭ جىلدامدىعى جوعارى جانە قورعالعان ينفراقۇرىلىمىن دامىتۋدىڭ جوعارى دەڭگەيىنە شىعۋعا، جەتەكشى ەۋروپا-ازيا ماگيسترالدى باعىتتارىنىڭ قاتارىنا كىرۋگە جانە الەمدىك دەرەكتەر ترانزيتىندە لايىقتى ورىن الۋعا مۇمكىندىك بەرەتىنىن اتاپ ءوتتى. 
ا. مامين جانە ا. اسادوۆ ەكى ەلدىڭ ساۋدا-ەكونوميكالىق، ينۆەستيسيالىق، كولىك-لوگيستيكالىق، اۋىل شارۋاپشىلىعى، عارىش جانە مادەني-گۋمانيتارلىق سالالارداعى ىنتىماقتاستىعىنىڭ جاي-كۇيى مەن پەرسپەكتيۆالارىن تالقىلادى.
ماڭعىستاۋ وبلىسىنا جۇمىس ساپارى اياسىندا پرەمەر-مينيستر ا. مامين مەتانول جانە ولەفين وندىرەتىن زاۋىت قۇرىلىسى جۇرگىزىلەتىن جەرگە كاپسۋلا سالۋ راسىمىنە قاتىستى. جوبانى سينگاپۋرلىق «WestGasOil» كومپانياسى جۇزەگە اسىرادى، ينۆەستيسيالار كولەمى – $1،8 ملرد. زاۋىتتىڭ قۋاتتىلىعى – جىلىنا 300 مىڭ توننا مەتانول مەن 600 مىڭ توننا ولەفين. 
قۇرىلىس كەزەڭىندە 4000 جۇمىس ورنى قۇرىلادى، 2023 ج. پايدالانۋعا بەرىلگەن سوڭ كاسىپورىن پەرسونالى 650 ادامدى قۇرايتىن بولادى. ۇكىمەت باسشىسى «Aktau Resort Hotel» كوپفۋنكسيونالدى قوناق ۇي-تۋريستىك كەشەننىڭ سالىنۋ بارىسىمەن، سونداي-اق «كازازوت»، «Mangystau Oil Refining» كاسىپورىندارىنىڭ جانە «Maga-Bread» نان-توقاش زاۋىتىنىڭ جۇمىسىمەن تانىستى.
ا. مامين ءا. كەكىلبايەۆ اتىنداعى مادەني ورتالىققا بارىپ، قازاقستاننىڭ حالىق جازۋشىسىنىڭ مۋزەيى مەن مەموريالىن ارالادى. 
پىكىر قالدىرۋ