قورداي كەدەنىندە 31 كەلى گەروين الىپ وتپەك بولعان قىرعىزستان ازاماتى ۇستالدى. بۇل تۋرالى «قامشى» پورتالى ق ر ۇقق شەكارا قىزمەتىنىڭ باسپاسوز-قىزمەتىنە سىلتەمە جاساي وتىرىپ حابارلايدى.
21 شىلدە كۇنى «قورداي اۆتو» پۋنكتىندە قازاقستاندىق شەكاراشىلار 1966 جىلى تۋعان قىرعىز ازاماتىن قۇرىقتاعان. كەيىن انىقتالعانداي، قىرعىزستاندىق ازامات قازاقستان ءترانزيتى ارقىلى رەسەي فەدەراسياسىنا باعىت العان. ارنايى ۇيرەتىلگەن «لەو» ەسىمدى يت كۇدىكتىنىڭ كولىگىن ءتىنتۋ بارىسىندا ناركوتيكالىق زاتتار تاركىلەگەن. قازاقستاندىق ۇقق قىزمەتكەرلەرىنىڭ ءجىتى باقىلاۋىنان كەيىن كۇدىكتىنىڭ 31 كەلىگە جۋىق گەروين الىپ وتپەك بولعاندىعى دالەلدەنگەن.
اتالمىش ىسكە قاتىستى قىرعىزستان قۇقىق قورعاۋ ورگاندارى حابار العان. ءقازىر تەرگەۋ جۇمىستارى جۇرگىزىلۋدە.
نۇرزات توعجان
