«بيزنەسءتىڭجولكارتاسى 2020»: جەكەمەنشىك مەديسينا كاسىپكەرلىكتى قولداۋدىڭ مەملەكەتتىك باعدارلاماسىن بەلسەندى تۇردە يگەرىپ جاتىر.
مەملەكەتتىك-جەكەمەنشىك ارىپتەستىك – مەديسينا سالاسىن دامىتۋدىڭ ءتيىمدى مەحانيزمى
سوڭعى جىلدارى قازاقستانداعى دەنساۋلىق ساقتاۋ سالاسى ومىرشەڭدىگى مەن باسەكەگە قابىلەتتىلىگى جاعىنان سەرپىندى دامىپ جاتقانىن كورسەتىپ كەلەدى. ساراپشىلاردىڭ پايىمداۋىنشا، بۇل سالا مەديسينادا وسى ۋاقىتقا دەيىن قالىپتاسقان ەمدەلۋشىلەرگە باعىتتالعان تۇرىنەن بۇكىل الەم نارىعىنىڭ تاجىريبەسىنە ساي كليەنتكە باعىتتالعان تۇرىنە بىرتە-بىرتە كوشە باستاعانىن ايتادى. ەلىمىز تاۋەلسىزدىك الىپ، تاريحتىڭ جاڭا داۋىرىنە اياق باسقالى بەرى جەكەمەنشىك مەديسينا ءوز دامۋىنىڭ بىرنەشە كەزەڭىنەن، ءوز بەتىمەن بولعان كۇيىنەن مەمەلكەتتىك-جەكەمەنشىك ارىپتەستىك ساتىسىنا دەيىن ءوتىپ ۇلگەردى. ءدال وسى مەملەكەتتىك-جەكەمەنشىك ارىپسەتىك – مەملەكەت پەن كاسىپكەرلىكتىڭ ءوزارا ىقپالداسۋىنىڭ ەڭ ءتيىمدى جولى بولىپ قاراستىرىلادى.
ەلباسى نۇرسۇلتان ءابىش ۇلى نازاربايەۆ ءوز سوزىندە ەكونوميكانىڭ قاي سالاسى بولماسىن مەملەكەت پەن جەكەمەنشىك بيزنەستىڭ ءوزارا تىعىز بايلانىستا بولىپ، ىقپالداسۋىنسىز دامىتۋ مۇمكىن ەمەس. «بيزنەس مەملەكەتتىك باعدارلامالارعا ەنگىزىلۋى ءتيىس جانە دەنساۋلىق ساقتاۋ، ءبىلىم بەرۋ، سەرۆيس سالالارىندا كاسىپكەرلىك مەملەكەتتىك مەكەمەلەرمەن قاتار قىزمەت ۇسىنۋى ءتيىس. مەملەكەت دەنساۋلىق ساقتاۋ سالاسىنا ءجىتى ءمان بەرىپ، ايتارلىقتاي قولداۋ كورسەتەدى.
«بيزنەستىڭ جول كارتاسى 2020» باعدارلاماسى بولسا كاسىپكەرلىكتى تۇراقتى ءارى ۇيلەسىمدى تۇردە دامىتۋعا جاعداي جاسايتىن بىردەن-بىر قۇرال. اتالمىش باعدارلاما قازاقستان رەسپۋبليكاسىن ۇدەمەلى يندۋستريالدىق-يننوۆاسيالىق دامىتۋ جونىندەگى مەملەكەتتىك باعدارلاماعا ساي جۇزەگە اسىرىلىپ جاتقان جوبالارعا مەملەكەتتىك قولداۋ كورسەتۋدى كوزدەيدى.
بيزنەس-قاۋىمداستىق بولسا «بيزنەستىڭ جول كارتاسى 2020» باعدارلاماسى ۇسىنىپ وتىرعان مۇمكىندىكتەردى بارىنشا پايدالانۋعا تىرىسادى. ايتا كەتەرلىگى، بيزنەس – مەملەكەتتىك-جەكەمەنشىك ارىپتەستىكتى ارىپتەستىكتىڭ حۇقىعى مەن ەركىن ارەكەت ەتۋ اياسى كەڭ، الەۋمەتتىك ماڭىزى بار جوبالاردى جۇزەگە اسىرۋ شاراسىندا بارلىق تاراپتاردىڭ تەڭ دارەجەدە قاتىساتىن جاڭا ۇلگىسى رەتىندە قابىلدايدى. ال بۇل ءوز كەزەگىندە قوعام ءۇشىن قىزمەت ەتۋ دەگەندى بىلدىرەدى.
قازاقستاندىق ەكونوميكانىڭ يندۋستريالدى-يننوۆاسيالىق تۇرىنە كوشۋ ءىسى بارىسىندا مەملەكەتتىك-جەكەمەنشىك ارىپتەستىكتىڭ وزەكتى ءارى قاجەتتى ەكەنى ايدان انىق. وعان قوسا بۇل يننوۆاسيالىق بەلسەندىلىكتى جوعارىلاتۋدىڭ ءتيىمدى ەكونوميكالىق ساياساتىن قۇرۋ جانە ەكونوميكالىق، الەۋمەتتىك ينفراقۇرىلىم دامۋىنىڭ ەڭ باستى تالاپتارىنىڭ ءبىرى.
«مەديكەر» مەديسينالىق سەرۆيستىك كومپانياسى
ءتۇرلى جوبالاردى ىسكە اسىرۋدا ۇلكەن تاجىريبەسى بار، تىڭ باستامالاردى قولعا الىپ، ءوز كۇشى مەن مۇمكىندىكتەرىنە عانا سەنەتىن كومپانيالار مەملەكەتتىك باستامالارعا قاتىستى وڭ كوزقاراس تانىتىپ، سەرىكتەستىككە ىنتالى بولىپ جۇرگەنى راس.
جەكەمەنشىك مەديسينا سالاسىندا «مەديكەر» اسسيستانس-كومپانياسىن وسىلاردىڭ قاتارىنا جاتقىزۋعا ابدەن بولادى. «مەديكەر» – قىزمەتكەر سانى بويىنشا، اۋقىمدىلىعى جاعىنان، ەلىمىزدەگى مەديسينالىق ورتالىقتار سانى جاعىنان جانە وزگە دە كورسەتكىشتەر بويىنشا ءوز سالاسىنىڭ كوشباسشىسى رەتىندە تانىلىپ ۇلگەردى. بۇگىندە «مەديكەر» قىزمەت اياسىن بارىنشا كەڭەيتىپ، ونىڭ جاڭا باعىتتارىن يگەرىپ جاتىر.
كومپانيانىڭ الماتى، استانا، جاڭاوزەن، وسكەمەن، كەندىرلى، اتىراۋ قالالارىندا توعىز مەديسينالىق ورتالىعى بار.
2011 جىلى «بيزنەستىڭ جول كارتاسى 2020» باعدارلاماسى بويىنشا كومپانيا «مەديكەر-اتىراۋ» كوپ ءپروفيلدى مەديسينالىق ورتالىعىن سالىپ، ونى ىسكە قوسۋ جوباسىن جۇزەگە اسىردى. ورتالىقتىڭ رەسمي اشىلۋ سالتاناتىنا پرەزيدەنت نۇرسۇلتان نازاربايەۆ قاتىسىپ،كومپانيا ۇجىمىنىڭ جۇمىسىنا جوعارى باعا بەرگەن ەدى.
«مەديكەر-كولساي» مەديسينالىق ورتالىعىنىڭ اشىلۋى
بۇگىنگى تاڭدا «مەديكەر» كومپانياسىنىڭ كليەنت سانى 200 مىڭعا جەتىپ وتىر. ولاردىڭ ازدى-كوپتى بولىگى استانادا تۇرادى. «مەديكەر» استاناداعى ەڭ العاشقى مەديسينالىق ورتالىعىن 2010 جىلى اشقان ەدى. ول قالانىڭ ىسكەرلىك اۋدانىنىڭ ورتالىعىندا، ءىرى مۇناي كومپانيالارىنىڭ كەڭسەلەرى جانىندا ورنالاسقان. مۇندا كورسەتىلەتىن مەديسينالىق قىزمەت تۇرلەرىنە ساقتاندىرىلعان كليەنتتەرمەن قاتار استانا قالاسى تۇرعىندارى دا، قوناقتارى دا جۇگىنە الادى.
بىرنەشە جىلدىڭ ىشىندە كومپانيانىڭ كليەنت سانى ۇلعايىپ، كەڭ كولەمدى قىزمەت كورسەتەتىن تاعى ءبىر ورتالىق اشۋ قاجەتتىلىگى تۋىندادى.
اشىلۋ سالتاناتى
«مەديكەر-كولساي» مەديسينالىق ورتالىعىنىڭ رەسمي اشىلۋ سالتاناتى ماۋسىمنىڭ بەسى كۇنى ءوتتى. اتالمىش شاراعا كومپانيا سەرىكتەستەرى، ارىپتەستەرى جانە دوستارى جينالدى. ورتالىقتى اشۋ قۇرمەتىنە استانا قالاسى دەنساۋلىق ساقتاۋ باسقارماسىنىڭ باسشىسى ايگۇل كيم قىزى سەگىزبايەۆاعا، «قازمۇنايگاز» اق اپپارات جەتەكشىسى اندار ماۋلەش ۇلى شۇقپىتوۆقا جانە «مەديكەر» كومپانياسىنىڭ باس ديرەكتورى گۇلجان ستەپان قىزى سادىربايەۆاعا بەرىلدى.
سالتاناتتى شارا اياسىندا استانا ق. دەنساۋلىق ساقتاۋ باسقارماسى مەن «مەديكەر» كومپانياسى اراسىنداعى ىقپالداستىق جونىندەگى مەموراندۋمعا قول قويىلدى.
كومپانيا باسشىلىعى، دارىگەرلەرى مەن قىزمەتكەرلەرى تاراپىنا جىلى لەبىزدەر مەن باستامانىڭ وڭ بولۋىنا ايتىلداعان ىزگى تىلەكتەر كوپ بولدى.
«مەديكەر-كولساي» جايلى
«مەديكەر-كولساي» مەديسينالىق ورتالىعىنىڭ ورنالاسقان جەرىن كومپانيا باسشىلىعى بەكەر تاڭداعان جوق. بىرىنشىدەن، بۇل قالانىڭ ىسكەرلىك ايماعى- سول جاعالۋعا جاقىن جەر، ەكىنشىدەن، قوعالىسى كوپ، تىعىز اۋدانداردان الشاق جاتىر، سالدارىنان مۇندا كولىك كەپتەلىسى دە بولمايدى، ۇشىنشىدەن، بۇل جەردىڭ اۋاسى دا تازا، ورتالىق جانىندا كولىك قويۋعا ىڭعايلى اۆتوتۇراق تا بار جانە ەڭ باستىسى – بۇل اۋداندا ورتالىققا باسەكە بولاتىن مەديسينالىق مەكەمە جوق.
اتالمىش جوبا «دامۋ» كاسىپكەرلىكتى دامىتۋ قورى» نەگىزىندە «بيزنەستىڭ جول كارتاسى – 2020» باعدارلاماسىنىڭ ءبىرىنشى باعىتى: «جاڭا بيزنەس باستامالاردى قولداۋ» اياسىندا قارجىلاندىرىلدى. باعدارلامانىڭ اتالمىش باعىتى – ەكونوميكانىڭ شيكىزات ەمەس سەكتورلارىندا جوبالاردى ىسكە اسىرۋ كەزىندە مەملەكەتتىك قولداۋ كورسەتۋدى كوزدەيدى.
جوبانى جۇزەگە اسىرۋعا قولعابىس كورسەتكەن – «مەديكەر» كومپانياسىنىڭ كوپتەن بەرى كليەنتى بولىپ كەلە جاتقان «بارلاۋ ءوندىرۋ «قازمۇنايگاز» اق. ەكى تاراپتىڭ ىنتىماقتاستىعى ارقاسىندا كولساي تۇرعىن ءۇي كەشەنىندەگى عيمارات «مەديكەرگە» جالعا بەرىلگەن ۋاقىتتا ايتارلىقتاي جەڭىلدىكتەر قاراستىرىلدى. بۇل «بارلاۋ ءوندىرۋ «قازمۇنايگاز» اق-دا كوپ جىلدان بەرى قالىپتاسقان ءوز قىزمەتكەرلەرىنىڭ دەنساۋلىعىن كۇتۋ قامقورلىعى مەن ۇستانعان ساياساتىنىڭ دالەلى.
جوبانىڭ ءوز-وزىن اقتاۋ مەرزىمى 5-10 جىلعا شاقتالعان، بۇل مەديسينالىق بيزنەس سالاسىنداعى جامان كورسەتكىش ەمەس.
«مەديكەر-كولساي» ورتالىعىندا ساپالى ءارى ۋاقىتىلى مەديسينالىق جاردەمگە تەك ساقتاندىرۋ كومپانيالارىنىڭ كليەنتتەرى عانا ەمەس، باسقا دا تۇرعىندار جۇگىنە الادى.
مەديسينالىق ورتالىقتى قۇرىپ، مودەرنيزاسيالاۋ ءۇشىن اۋقىمدى قاراجات جۇمسالدى، ونىڭ باسىم بولىگى كەشەندى دۇنيەجۇزىنە تانىمال وندىرىسشىلەر شىعاراتىن زاماناۋي مەديسينالىق قۇرال-جابدىقپەن قامتاماسىز ەتۋگە جاراتىلدى. مۇنداعى دارىگەرلەر ەڭ جاڭا، وتە سەزىمتال ساندىق قۇرالدارمەن، سوڭعى بۋىنداعى ۋلترادىبىستىق سكانەرلەرمەن، لور-كومبايندارمەن، ستوماتولوگيالىق جابدىقتارمەن تاعى باسقا كەرەك-جاراقتارمەن جۇمىس ىستەيدى. مەديسينالىق ورتالىقتا كەشەندى دياگنوستيكادان، امبۋلاتوريالىق ەمدەۋدەن وتۋگە بولادى.
قىزمەتكەرلەرى
مەديسينا سالاسىندا مامانداردىڭ تاپشى بولىپ جاتقانىنا قاراماستان جاڭا مەديسينالىق ورتالىقتىڭ قىزمەتكەرلەرىن تاڭداۋ ىسىنە كومپانيا اسا جاۋاپكەرشىلىكپەن قارادى. ۇمىتكەرلەر كونكۋرس نەگىزىندە جۇمىسقا قابىلداندى. ناتيجەسىندە مەديسينالىق ورتاولىقتا مەديسينا عىلىمدارىنىڭ كانديداتتارى، تاجىريبەسى مول جوعارى ساناتتى دارىگەرلەر، مامانداندىرىلعان مەدبيكەلەر توبى قىزمەت ەتەدى.
كومپانيانىڭ قىزمەتكەرلەردى تاڭداۋ ساياساتى تاعى ءبىر تارماقتى قامتيدى. «مەديكەر» ءوز كادرلارىن دايارلاۋ ماقساتىندا مەديسينالىق جوعارى وقۋ ورىندارى ستۋدەنتتەرىن وقىتادى. كومپانيا اۋىرتپاشىلىعى كوپ ايماقتارعا تەك رەسپۋبليكا بويىنشا ەمەس، رەسەي فەدەراسياسىنان دا مامان جۇمىلدىرادى. كومپانيانىڭ دارىگەرلەرى ماسكەۋ، سانكت-پەتەربۋرگ جانە الىس شەتەلدەرگە بارىپ كاسىبىن شىڭدايدى.
كومپانيا ءوز قىزمەتكەرلەرىن ولاردىڭ سەنىمدىلىگى ءۇشىن باعالايدى. ولاردىڭ باستامالارىن قولداپ، كاسىبي دەڭگەيىن كوتەرۋگە تۇلعا رەتىندە وسۋىنە جاعداي جاساۋعا تىرىسادى.
ەلەكتروندى امبۋلاتورلىق كارتا
قازاقستان رەسپۋبليكاسىنىڭ دەنساۋلىق ساقتاۋ سالاسىن دامىتۋدىڭ 2011 - 2015 جىلدارعا ارنالعان «سالاماتتى قازاقستان» مەملەكەتتiك باعدارلاماسىنا ساي «مەديكەر-كولساي» مەديسينالىق ورتالىعىندا ەمدەلۋشىنىڭ ەلەكتروندى امبۋلاتورلىق كارتاسى جۇيەسى ەنگىزىلگەن. جۋىق ارادا اتالمىش جۇيە «مەديكەر» جەلىسىنىڭ بارلىق تارماعىن قامتيتىن بولادى. ناتيجەسىندە ەمدەلۋشىلەردىڭ ورتاق بازاسى قۇرىلماق. سونىڭ ارقاسىندا قازاقستاننىڭ تۇكپىر-تۇكپىرىندە ورنالاسقان مەديسينالىق ورتالىقتاردىڭ قايسىسىندا بولسا دا، دارىگەر ەمدەلۋشىنىڭ تاريحىن، زەرتحانالىق ناتيجەلەرىن، دارىگەردىڭ نۇسقاۋلارىن، قابىلداعان ەمدىك شارالارى جايلى تولىق اقپاراتتى الا الادى. دارىگەردىڭ ساپالى ەمدىك شارا تاعايىندايتىنىنا سەنىمدى بولۋعا نەگىز بار. سونىمەن قاتار، دارىگەر قابىلداۋىنا جازىلۋ شاراسى دا وسى جۇيە نەگىزىندە جۇرگىزىلمەك. بۇل ەمدەلۋشىلەردىڭ اعىمىن قاداعالاپ عانا قويماي، جالپى مەديسينالىق قىزمەت ساپاسىن باقىلاۋعا مۇمكىندىك بەرەدى.
مەديكەر-كولساي» مەديسينالىق ورتالىعىندا ءتۇرلى پروفيلدەگى جوعارى ساناتتى ماماندار قابىلداۋ جۇرگىزەدى:
جۇمىس ۋاقىتى:
دۇيسەنبى-سەنبى: 08.00- دەن 20.00-گە دەيىن
جەكسەنبى: 08.00-دەن 14.00-گە دەيىن
«مەديكەر» كومپانياسى جايلى
«مەديكەر» مەديسينالىق سەرۆيتسىك كومپانياسى ءوز قىزمەتىن ءۇش باعىتتا جۇرگىزەدى:
1. ساقتاندىرۋ كومپانيالارىنىڭ كليەنتتەرىنە ەرىكتى ساقتاندىرۋ باعدارلاماسى بويىنشا ىندەتكە شالدىققان جاعدايدا مەديسينالىق قىزمەت كورسەتۋ؛
2. مۇناي، ۋران ءوندىرۋ، تەمىرجول سالاسى مەكەمەلەرىنىڭ شالعايداعى وندىرىستىك ناسىندارى مەن ۆاحتالىق قالاشىقتارىندا مەديسينالىق قىزمەت كورسەتۋ جوبالارىن ازىرلەۋ.
3. سەنىمدى باسقارۋعا بەرۋ كەلىسىمىنىڭ شارتتارىنا ساي مەديسينالىق ورتالىقتاردى باسقارۋ
بۇگىنگى تاڭدا «مەديكەر» كومپانياسىندا 2300 ادام قىزمەت ەتەدى. كومپانيانىڭ الماتى، استانا، اتىراۋ، وسكەمەن، جاڭاوزەن، كەندىرلىدە توعىز مەديسينالىق ورتالىعى بار. ۇستىمىزدەگى جىلدىڭ ءساۋىر ايىندا كومپانيا استانا قالاسىنداعى «مەيىرىم» مەديسينالىق ورتالىعىن مەنشىككە الدى. كومپانيا 2013-14 جىلدارى اقتوبە، پاۆلودار، جاڭاوزەن جانە شىمكەنت قالالارىندا جاڭا مەديسينالىق ورتالىقتارىن اشۋدى جوسپارلاپ وتىر. كومپانيا ۇلتتىق اككرەديتاسيالاۋدان ەكى رەت ءوتىپ، حالىقارالىق بەدەلدى JCI اككرەديتاسياسىنا يە بولۋ شارالارىن قولعا الىپ جاتىر.
«مەديكەر» كومپانياسى قازاقستانداعى ءىرى ساقتاندىرۋ كومپانيالارىنىڭ بارلىعىمەن جۇمىس ىستەيدى. «مەديكەر» سەرىكتەستەرى قاتارىندا 420-دان استام مەديسينالىق مەكەمە بار. ولاردىڭ اراسىندا – عىلىمي ورتالىقتار جانە زەرتتەۋ ينستيتۋتتارى، مەديسينالىق ورتالىقتارى، ستوماتولوگيالىق كلينيكالار جانە ءدارىحانالار بار. كومپانيا شەتەلدىك اسسيستانس-كومپانيالارمەن دە، مەديسينالىق قۇرىلىمدارمەن بايلانىس ورناتا وتىرىپ، حالىقارالىق قاتىناس باعىتىن دامىتۋ ۇستىندە.
ەلىمىزدى ۇدەمەلى يندۋستريالدى دامىتۋ بويىنشا قۇرىپ وتىرعان مەملەكەتتىڭ جوسپارىن قولداۋ ارقىلى «مەديكەر» كومپانياسى مەملەكەتتىك-جەكەمەنشىك ارىپتەستىك اياسىندا قارىم-قاتىناس ورناتۋعا 100% دايىن. كومپانيا ءوز تاراپىنان حالىقتىڭ دەنساۋلىعىن كۇتۋگە قاتىستى مەملەكەتتىك دەڭگەيدەگى ماڭىزدى ماسەلەلەردى شەشۋ جولىندا ۇزدىك كورسەتكىشكە قول جەتكىزە الاتىن، كليەنتتەرگە باعىتتالعان ساپالى ءارى ءتيىمدى مەنەدجمەنتىن ۇسىنادى.
پىكىر قالدىرۋ