پرەزيدەنت قاسىم-جومارت توقايەۆ وبلىستارداعى بارلىق اكىمدەرگە بارلىق مەكتەپتەر مەن بالاباقشالارعا بەينەكامەرالار ورناتۋدى جانە ىڭعايلى جاعداي جاساۋدى تاپسىردى، دەپ جازادى Qamshy.kz اقپارات اگەنتتىگى. بۇل تۋرالى توقايەۆ ۇكىمەتتىڭ كەڭەيتىلگەن وتىرىسىندا ايتتى.
پرەزيدەنت نەگىزگى مىندەتتەردىڭ ءبىرى بالالاردى قورعاۋ، ولاردىڭ وز-وزىنە قول جۇمساۋىنىڭ جانە ولارعا قاتىستى زورلىق-زومبىلىقتىڭ كوبەيۋىنە بايلانىستى ماسەلەلەردى شەشۋ كەرەك ەكەنىن ايتتى.
توقايەۆ مەكتەپتەر مەن بالاباقشالارعا بەينەكامەرالار ورناتۋدى تەزدەتۋدى مىندەتتەدى - ول مۇنى قازاقستان وبلىستارىنىڭ باسشىلارىنا تاپسىردى. ال اكىمدەر تاپسىرمانى 2020 جىلدىڭ سوڭىنا دەيىن ورىنداۋى كەرەك.
"تاراز قالاسىندا بولعان جايت ماسقارا"، - دەدى پرەزيدەنت.
ەسكە سالساق، تاراز قالاسىندا 2019 جىلدىڭ قاراشا ايىندا 7 سىنىپ وقۋشىسىن ءۇزىلىس كەزىندە مەكتەپ اجەتحاناسىندا زورلاپ كەتكەن.
24 قاڭتاردا زورلاۋشىعا ۇكىم شىعارىلدى. سوت قۇقىق بۇزۋشىنى 25 جىلعا باس بوستاندىعىنان ايىرۋعا، حيميالىق كاستراسيا پروسەدۋراسىن قولدانۋعا ۇكىم شىعاردى. سونىمەن بىرگە پەدوفيلگە زارداپ شەككەن تاراپقا مورالدىق زيان ءۇشىن وتەماقى تولەۋدى مىندەتتەدى.
پىكىر قالدىرۋ