ق ر سىرتقى ىستەر ءمينيسترى ەرلان ىدىرىسوۆ جەنيەۆادا وتكەن  باسپاسوز-كونفەرەنسياسىندا قازاقستان باتىس ەلدەرى سانكسيالارىنا قاتىستى رەسەيدى قولدايتىنىن ايتتى. بۇل تۋرالى «قامشى» پورتالى National Business-كە سىلتەمە جاساي وتىرىپ حابارلايدى.

دۇيسەنبى كۇنى دۇنيەجۇزىلىك ساۋدا ۇيىمىنىڭ باس كەڭەسىنىڭ وتىرىسىندا قازاقستاننىڭ ساۋدا ۇيىمىنا مۇشەلىككە وتۋىنە بايلانىستى قۇجاتتاردى قابىلداعانى تۋرالى وسىعان دەيىن جازعان بولاتىنبىز. ال قازاقستان ءوز كەزەگىندە ۇيىمعا مۇشەلىككە وتۋگە كومەكتەسكەنى ءۇشىن رەسەيگە العىسىن بىلدىرگەن.

«مۇمكىن سانكسيالاردى الىپ تاستاۋ ءۇشىن تاراپتار ءالى بىتىمگە كەلمەگەن بولار. ال ءبىز سول سانكسيالاردى الىپ تاستاۋعا شاقىرۋدان تالمايمىز. سانكسيا – ەشكىمگە پايدا اكەلمەيدى. ودان ەكى جاق تا جاپا شەگەدى. رەسەي ءبىزدىڭ باستى سەرىكتەسىمىز. سوندىقتان رەسەيگە سالىنعان باتىس ەلدەرىنىڭ سانكسيالارىنا قاتىستى قازاقستان رەسەيدى قولدايتىن بولادى»،-دەيدى ىدىرىسوۆ مىزرا.

ىدىرىسوۆتىڭ ايتۋىنشا، قازاقستان شەتەلدىك ينۆەستورلاردى ارتتىرۋ ءۇشىن بار جاعدايدى جاساپ وتىر. وسىلايشا ول ءوزىنىڭ سەرىكتەستەرىن ارتتىرادى. سونىڭ ىشىندە قااقستانعا جۇڭگو تاراپىنان قىزىعۋشىلىق ارتىپ كەلەدى.

نۇرزات توعجان