راحات الييەۆ – قازاقستان يستەبليشمەنتى ءۇشىن قاتارداعى قازاقستاندىق سانالماسا كەرەك-تى. ول ءبىرىنشى كەزەتە ق ر پرەزيدەنتىنىڭ بۇرىنعى كۇيەۋ بالاسى. اكەسى قانشا جەردەن قىلمىسكەر بولسا دا، ونىڭ بالالارى ءۇشىن  نۇرسۇلتان ءابىش ۇلى – اتا. سودان كەيىن بارىپ، راحات ەكس-ەلشى، بەيرەسمي ديسسيدەنت. ءوزىن-وزى جاريالاعان – بيلىك وپپونەنتى-مىس.

مىسالى، ق ر پرەزيدەنتى نۇرسۇلتان ءابىش ۇلى جاقىندا بولعان سۇحباتىندا دا نەمەرەلەرى مەن قىزدارىنىڭ راحاتاتقا راقىمشىلىق جاساۋىن سۇراپ كەلگەندىگى تۋرالى ايتقان بولاتىن (https://www.youtube.com/watch؟v=TNLMuUnRiLg).

ق ر پرەزيدەنتى نۇرسۇلتان نازاربايەۆ:

-مەن راحاتتى قاماتۋدى تاپسىرعاندا مەنىڭ بالالارىم مەن نەمەرەلەرىم مەنىڭ الدىما كەلمەدى دەيسىڭدەر مە؟ راحاتقا كەشىرىم جاساۋىمدى سۇرامادى دەيسىڭدەر مە؟ ءتىپتى جاقىندارىم مەن بالالارىم  جەمقورلىقپەن اينالىسقان بولسا ولاردىڭ ەشقانداي يممۋنيتەتى جوق. سول سەبەپتى سوتتا جاۋاپقا تارتىلادى،-دەگەن بولاتىن.

ينتريگالىق يىرىمگە تولى راحاتتىڭ ولىمىنە قاتىستى جۇرت اراسىندا ءتۇرلى داقپىرت تاراعانى بەلگىلى.

قالاي بولعان كۇندە دە، ول (راحات الييەۆ) قازاقستان بيلىگىندە لاۋازىمدى قىزمەتتەر اتقارعان، ەلدىڭ ساياسي بيلىگىنە تىكەلەي قاتىسى بولعان ادام. سونىمەن بىرگە راحات الييەۆ قوعامدى ءدۇر سىلكىندىرگەن ءبىرقاتار وقيعالاردىڭ، سونىڭ ىشىندە قاندى قىلمىستاردىڭ فيگۋرانتى. ونىڭ قاتىسى نەمەسە ارالاسۋى بولعان ىستەر قالاي بولعاندا دا قازاقستاندىق سوت تالقىسىنان وتكەن جانە سىرتتاي بولسىن جازاعا تارتىلعان قىلمىسكەر.

سونىمەن، وسىنداي تۇيسىك تۇرعىسىنان ايتار بولساق، راحات الييەۆتىڭ ولىمىنە قاتىستى ءتۇرلى قاۋەسەتتەرگە ناۋميەزدىك تانىتۋعا تۋرا كەلەدى.

راحاتقا قاتىستى قوس قيسىن

اۋەلگىسى، ول اۆستريانىڭ ۆەنا قالاسىنداعى تۇرمەدە اسىلىپ ءولدى.  راحات شوراز ىسىنە قاتىستى ميلليونداعان دوللار قارجىنى «جۋۋ» دەرەكتەرىنە اۆستريالىق ءبىرقاتار شەنەۋنىكتەردىڭ قاتىسى بولعان. ءيا، ەۋروپالىق تابلويدتاردىڭ نەگىزگى  تالقىسى وسى توڭىرەكتە وربىگەن-دى. وعان قوسا قازاقستاندىق وپپوزيسيونەر التىنبەك سارسەنباي ۇلىنىڭ قازاسىنا قاتىسى بار دەگەن نەگىزگى كۇدىكتى دە – راحات الييەۆ ەدى. بەلگىسىز جاعدايدا ءوزى دە ءمۇريد كەتكەندىگى تۋرالى سۋىت حابار 2015 جىلدىڭ اقپان ايىندا پايدا بولدى.

ەكىنشى دەرەك، كادىگى جۇرتتىڭ قازاقشالاپ قۇمالاق اشقانىنداي، راحات ولمەپتىنىڭ سىبىسى. بۇل ەندى، دالەلسىز، دايەكسىز دەرەك. ءبىراق، قاراپايىم جۇرت «راحات ولمەپتى»، «ول پلاستيكالىق وپەراسيا جاساتىپتى»، «ءقازىر قازاقستاندا ءجۇر ەكەن»، دەگەن ماعىناداعى سىڭارجاق قاۋەسەتتەردى تاراتىپ جۇرگەن كورىنەدى. ال وسى بەيرەسمي دەرەكتەرگە نازار اۋدارىپ كورسەك، شىن مانىندە راحاتتىڭ ولمەگەنى تۋرالى سىبىسقا سەنىپ قالۋىڭىز مۇمكىن. ولاي دەيتىنىمىز، ەكس-ەلشىنىڭ قازاسى تۋرالى بىردە-بىر ناقتى دەرەك، دايەك جوق. راحاتتىڭ جانسىز دەنەسى تۇسىرىلگەن فوتو، بەينە جازبالار دا جوق.  بۇل جوعارىداعى جۇرت قاۋەسەتىنىڭ شىندىققا جاناساتىنىن بىلدىرمەي مە؟

فوتو دەرەكتەر:

ق ر پرەزيدەنتى جانۇياسىمەن

راحات الييەۆتىڭ بالالارى

ۆەنا قالاسىنداعى جەرلەۋ راسىمىنەن

راحاتتى جەرلەۋ ءراسىمى. جوقتاۋشىلارسىز داستارحان

راحاتتىڭ تابىتى-مىس

نۇرزات توعجان