اتىشۋلى ەكس-بانكير مۇحتار ءابلازوۆتىڭ بالدىزى ءھام سەرىكتەسى سىرىم شالابايەۆ ليتۆادا ۇستالدى. بۇل تۋرالى «قامشى» پورتالى قازاقپاراتقا سىلتەمە جاساي وتىرىپ حابارلايدى.

وسىدان 2 جىل بۇرىن سىرىم شالابايەۆقا قاتىستى داۋلى ىستەردىڭ بىرىندە بىرىككەن كورولدىك سوتى ونى 18 ايعا باس بوستاندىعىنان ايىرۋ تۋرالى شەشىم شىعارعان بولاتىن. وندا بانكيردىڭ بالدىزى جازاسىن وتەۋدەن قىشاپ، جاسىرىنىپ قالعان ەدى. ال كەيىن وعان حالىقارالىق ىزدەۋ جاريالاعان.

بۇل تۋرالى ru.delfi.lt حابارلاعان.

سىرىم شالابايەۆ كىم جانە نە ءۇشىن وعان ىزدەۋ جاريالانعان؟

س.شالابايەۆ جەزدەسى مۇحتار ابلازوۆپەن بىرگە بتا بانكىنىڭ وزگە تۇلعالارىمەن بىرگە قازاقستان، ۋكراينا، رەسەي جانە وزگە مەملەكەتتەردىڭ ميللاردتاعان قارجىسىن قولدى ەتكەن دەگەن كۇدىككە ىلىنگەن جانە اتالمىش فاكتى بويىنشا ايىپتى دەپ تانىلعان. س.شالابايەۆقا بىرىككەن كورولدىكتەن وزگە ۋكراينا ينتەرپول ارنالارى ارقىلى ىزدەۋ جاريالاتقان. سويتسە، بانكيردىڭ بالدىزى ۋكراينادا 300 ملن دوللاردى قۇرايتىن مۇلىكتى يەمدەنىپ كەتكەن ەكەن.

نۇرزات توعجان