شقو دەنساۋلىق ساقتاۋ باسقارماسىنىڭ كەڭەيتىلگەن وتىرىسىندا ءبىرقاتار ولقىلىقتار بەلگىلى بولدى. تاياۋدا قۇزىرىنا قاراستى اۋماقتا انا مەن بالا ءولىمى ورىن العانى ءۇشىن  بەس بىردەي اۋداننىڭ باس دارىگەرى قىزمەتىنەن كەتۋى مۇمكىن.بۇل تۋرالى «قامشى» پورتالى حابارلايدى.

اايماقتىڭ دەنساۋلىق ساقتاۋ سالاسىنداعى كەيبىر اۋداندارداعى تۇيتكىلدى ماسەلە كوپ. مىسالى گلۋبوكوە اۋدانىندا جۇقپالى اۋرۋلاردىڭ تارالۋىنا بايلانىستى جاعداي كۇردەلى. ال تارباعاتاي مەن كۇرشىم اۋدانىندارىندا انا ءولىمى وقيعاسى كوبەيىپ كەتكەن. سونداي-اق، اياگوز، كوكپەكتى، شەمونايحا اۋداندارىنا بالا ءولىمىنىڭ كورسەتكىشى ءالى دە تۇسپەيى تۇر. جالپى ايماقتا وتكەن جىلدىڭ 6 ايىمەن سالىستىرعاندا بيىلعى جارتى جىلدا انا ءولىمى 67% ارتقان.

تۇرعىنداردىڭ تۋبەركۋلەزبەن اۋرۋى كورسەتكىشى 18%-عا تومەندەگەنمەن، تارباعاتاي، زايسان، كوكپەكتى اۋداندارىندا جۇقپالى دەرتكە قاتىستى جاعداي ۋشىعىپ تۇر. قۇرت اۋرۋىنان ءولىم-جىتىم وسكەمەن، گلۋبوكوە، جارما، ۇلان اۋدارىندا جوعارى. جيىن ناتيجەسىندە قىزمەتتەرى سىن كوتەرمەگەن 5 اۋداننىڭ باس دارىگەرلەرىنىڭ ءىسى شقو دەنساۋلىق ساقتاۋ باسقارماسىنىڭ تارتىپتىك كەڭەسىندە قارالادى.  سونىمەن قاتار، كورسەتكىشتەرى ءماز ەمەس تاعى 7 اۋداننىڭ باس دارىگەرىنە قاتاڭ سوگىس جاريالانۋى مۇمكىن. ەگەر سىن تۇزەلمەسە، ولارعا دا شارا قولدانىلماق.