اقتوبە وبلىسىندا  جۇك پويىزىنان ءورت شىعىپ، سالدارىنان 5 بىردەي جولاۋشى تاسمالداۋشى پويىزدارى توقتاتىلعان. بۇل تۋرالى «قامشى» پورتالى informburo.kz-كە سىلتەمە جاساي وتىرىپ حابارلايدى. قازىرگى تاڭدا وبلىستىق توتەنشە جاعدايلار دەپارتامەنتى قىزمەتكەرلەرى مەن ءورت سوندىرۋشىلەر پويىزدان شىققان ءورتتى سوندىرۋدە.

اقتوبە وبلىستىق تجد باسپاسوز-قىزمەتىنىڭ حابارلاۋىنشا، قازىرگى تاڭدا ءورتتى ءسوندىرۋ جۇمىستارى جالعاستىرىلۋدا. جۇك پويىزىنان شىققان ءورتتىڭ جالپى اۋماعى – 350 شارشى مەترگە جەتكەن. ءورتتى ءسوندىرۋ ءۇشىن 85 ادام مەن 19 بىرلىك تەحنيكا جۇمىلدىرىلعان.

«رەلستەن شىعىپ قالعان 20 ۆاگوننىڭ 18ء-ى اۋدرىلىپ كەتكەن. ولاردىڭ 11ء-ى تولىق ورتەنىپ كەتتى. سونداي-اق، 7 سيستەرن ديزەل وتىنى مەن 4 ۆاگون ءداندى-داقىلدار بولعان. ءورتتىڭ شىعۋ سەبەپتەرى ءالى تولىق انىقتالعان جوق. الدىن الا بولجامدار بويىنشا تەحيكالىق اقاۋلارعا بايلانىساتى بولۋى مۇمكىن»،-دەيدى اقتوبە وبلىستىق تجد باسپاسوز-قىزمەتىنىڭ قىزمەتكەرى ءساليما تولەگەنوۆا.

ەستەرىڭىزگە سالا كەتەيىك، كەشە اقتوبە ولبىسىندا №2908 ەمبى-قاندىعاش  باعىتىنداعى جۇك پويىزىنان ءورت شىققان بولاتىن. 

نۇرزات توعجان