قازاقستاننىڭ باس پروكۋراتۋراسى ليتۆا بيلىگىنەن  ەكس-بانكير ءابلازوۆتىڭ بالدىزىن ەلگە قايتارۋدى تالاپ ەتتى. ەستەرىڭىزدە بولسا وسىعان دەيىن  «قامشى» پورتالى «م.ءابلازوۆتىڭ بالدىزى ليتۆادا ۇستالدى» دەگەن اقپارات جارىق كورگەن بولاتىن.

قازىرگى ۋاقىتتا شالابايەۆقا قاتىستى قازاقستاندا تەرگەۋ امالدارى ءجۇرىپ جاتىر. ول "بتا بانك" اكسيونەرلىك قوعامىنىڭ 175 ميلليون تەڭگەسىن زاڭسىز يەمدەندى دەگەن كۇدىكپەن ىزدەستىرىلىپ جاتىر. باس پروكۋراتۋرانىڭ مالىمەتىنشە، ول مۇحتار ءابليازوۆتىڭ جەتەكشىلىگىمەن قۇرىلعان توپپەن وسىنداي قىلمىسقا بارعان. 

ەستەرىڭىزگە سالا كەتەيىك، ەكس-بانكير ءابليازوۆتىڭ بالدىزى سىرىم شالابايەۆ 28 شىلدە كۇنى ۆيلنيۋس قالاسىندا ۇستالعان بولاتىن. ال 30 شىلدەدە ءۆيلنيۋستىڭ جەرگىلىكتى سوتى شالابايەۆتى 3 ايعا قاماۋعا الۋ تۋرالى شەشىم شىعارعان. 

2011 جىلى سىرىم شالابايەۆتى سوتقا قۇرمەتسىزدىك كورسەتكەنى ءۇشىن لوندوننىڭ جوعارعى سوتى 18 ايعا باس بوستاندىعىنان ايىرۋ تۋرالى جازا كەسكەن بولاتىن. دەگەنمەن ول سوت تورەلىگىنەن قاشىپ، ناتيجەسىندە وعان حالىقارالىق ىزدەۋ جاريالاعان.

سونىمەن قاتار،  سىرىم شالابايەۆقا ۋكراينا بيلىگىنىڭ سۇرانىسى بويىنشا ينتەرپول ىزدەۋ جاريالاعان بولاتىن. ول ءوزىنىڭ جەزدەسى-سىبايلاسى، بتا بانكتىڭ ەكس-باسشىسى مۇحتار ابليازوۆپەن جانە تاعى دا باسقا تۇلعالارمەن بىرگە قازاقستاندا، ۋكراينادا، رەسەيدە جانە تاعى دا باسقا ەلدەردە بىرنەشە ميلليارد دوللار سوماسىندا قاراجاتتى يەمدەنىپ، جاراتتى دەپ ايىپتالىپ وتىر. ۋكراينادا سىرىم شالابايەۆ 300 ميلليون دوللاردىڭ مۇلكىن جاراتتى جانە يەمدەندى دەلىنەدى.

 نۇرزات توعجان