كەشە الماتى قالاسىندا جالعان تولقۇجاتپەن جۇرگەن اۋعانىستان ازاماتتارى ۇستالعان. بۇل تۋرالى «قامشى» Tengrinews.kz-كە سىلتەمە جاساي وتىرىپ حابارلايدى.

ق ر ۇقك شەكارا قىزمەتى باسپا ءسوز قىزمەتىنىڭ حابارلاۋىنشا الماتىدا ۇستالعان ءۇش ازاماتتىڭ قولىندا ۇلىبريتانيا ازاماتىنىڭ جالعان قۇجاتتارى بولعان.

"الماتى اۋەجايىنداعى "الماتى" وتكىزۋ-باقىلاۋ بەكەتىندە، "دۋباي - الماتى" FZ-701 رەيسىندە ۇلىبريتانيانىڭ ءۇش ازاماتى ۇستالدى. ازاماتتاردىڭ قۇجاتتارىن تەكسەرۋ بارىسىندا اۋعانستان يسلام رەسپۋبليكاسى ازاماتىنىڭ كۋالىگى مەن پاكىستان رەسپۋبليكاسى قاۋىپسىزدىك كارتالارى تابىلدى"، - دەپ جازىلعان ق ر ۇقك شق باسپا ءسوز حابارلاماسىندا.

كەيىن انىقتالعانداي ۇستالعان ازاماتتاردىڭ اۋعانستان يسلام رەسپۋبليكاسىنان اۋعانستان ازاماتى قۇجاتىمەن دۋبايعا ۇشىپ بارعانى بەلگىلى بولعان.

"دۋبايدا بەلگىسىز ادامنان ۇلىبريتانيا ازاماتىنىڭ قۇجاتىن العان. كەيىن ونى قازاقستان شەكاراسىن كەسىپ وتۋگە پايدالانعان. ولار قازاقستان ارقىلى ەۋروپاعا كەتپەك بولعان"، - دەپ جازىلعان حابارلامادا. باسپا ءسوز قىزمەتىنىڭ مالىمەتىنشە، ۇستالعان ازاماتتاردى ءقازىر دۋبايعا جىبەرۋ جۇمىستارى جۇرگىزىلۋدە.

نۇرزات توعجان