استانانىڭ «شانحاي» بازارىندا «استانا - شىمكەنت» باعىتىنىڭ اۆتوبۋس جۇرگىزۋشىسى وقو-نىڭ ەكى ەر ازاماتىن ۇرىپ-سوققانى ءۇشىن ۇستالدى. بۇل تۋرالى «قامشى» سايتى Tengrinews.kz سايىتىنا سىلتەمە جاساي وتىرىپ حابارلايدى.
وقيعا بارىسىنا توقاتالا كەتسەك، جاعا جىرتىسۋ استانا قالاسىنىڭ «شانحاي» بازارىندا بولعان. «استانا-شىمكەنت» باعىتىمەن جولعا جينالعان جىگىتتەر كەنەتتەن اۋىلعا قايتپايتىن بولىپ، تولەپ قويعان 7 مىڭ تەڭگەسىن كەرى قايىرۋدى تالاپ ەتىپتى. قانى باسىنا شاپقان اۆتوبۋس جۇرگىزۋشىسى قالتاعا تۇسكەن قارجىنى قايتارعىسى كەلمەسە كەرەك.
توبەلەس جولاقىسىنان باستالعان. اۋىلعا قايتۋدان اينىپ قالعان شىمكەنتتىك قوس جىگىت اۆتوبۋس جۇرگىزۋشىسىنەن اقشالارىن كەرى قايىرۋدى سۇراپتى. ءبىراق، جەرلەستەر ءوزارا كەلىسە الماپتى. جۇرگىزۋشى اقشانى قايتارماق تۇگىلى، قايتا سەرىكتەستەرىمەن قوسىلىپ جولاۋشىلاردى جاعادان العان. اراشا تۇسەر جان تابىلماي، اقىرى ەرەگەس - توبەلەسكە جالعاسقان. وقيعانىڭ شيەلەنىسىن سەزگەن شيكىوكپە دەرەۋ وقيعا ورنىنان ءىزىن سۋىتىپ ۇلگەرگەن.
تەرگەۋ - انىقتاۋ ناتيجەسىندە پوليسيا حابارلاماسىنا سۇيەنسەك: "بۇل دەرەك ءبىرىڭعاي تىزبەدە ق ر قك 107-بابى بويىنشا تىركەلىپ، سوتالدى تەرگەۋ باستالدى"، - دەپ وقيعا بارىسىنان حابار بەردى. جەدەل-ىزدەستىرۋ شارالارىنىڭ بارىسىندا پوليسيا قىزمەتكەرلەرىنىڭ وقو-نىڭ 19 جاستاعى تۇرعىنىنىڭ ۇستالعانى حابارلاندى.
"قامشى" سىلتەيدى
