الماتى. قامشى پورتالى – استاناداعى  ارتەم بازارىنىڭ ماڭىندا بولعان توبەلەسكە قاتىستى جالعان اقپارات تاراتقان الەۋمەتىك جەلى قولدانۋشىسىن استانا قالالىق سوتى جاۋاپقا تارتتى.

استانالىق سوت ورىنداۋشىسى عالامتوردا «كوكپە-كورىنەۋ جالعان اقپارات تاراتتى» دەگەن كۇدىكپەن ۇستالعان قالا تۇرعىنىن 2،5 جىلعا باس بوستاندىعىنان ايىرۋ تۋرالى شەشىم شىعارعان.

بۇل تۋرالى ازاتتىق ءتىلشىسى استانا قالالىق سوتىنىڭ باسپاسوز-قىزمەتىنە سىلتەمە جاساي وتىرىپ حابارلايدى.

قالالىق سوتتىڭ باسپاسوز-قىزمەتىنىڭ حابارلاۋىنشا، سوتتالعان ەر ادامعا ماۋسىمنىڭ 16-سى كۇنى استاناداعى "ارتەم" ساۋدا ءۇيى ماڭىندا توبەلەس بولعانى تۋرالى "جالعان اقپارات تاراتتى" دەگەن ايىپ تاعىلعان.

كەشە استانادا سوت 16 ماۋسىمدا "ارتەم" ساۋدا ءۇيى ماڭىندا بولعان جانجالدا "بۇزاقىلىق جاساپ، پوليسياعا باعىنبادى" دەپ ايىپتالعان ەكى ادامدى ەكى جارىم جىلعا باس بوستاندىعىن شەكتەۋ تۋرالى ۇكىم شىعارعان.

"ارتەم" ساۋدا ۇيىندەگى توبەلەس 16 ماۋسىم كۇنى كەشكى ساعات 20 شاماسىندا بولعان. وقيعا "ارتەم" كۇزەتشىلەرىنىڭ ءۇش بالا ەرتكەن جاس كەلىنشەكتىڭ ساۋدا ءۇيى الدىندا قايىر سۇراۋىنا رۇقسات ەتپەۋىنەن باستالعان. پوليسيانىڭ اقپاراتىنا قاراعاندا، كۇزەتشىلەر كەلىنشەكپەن سوزگە كەلىپ قالىپ، وقيعا ورنىنا توپ ادام جينالعان.

نۇرزات توعجان