الماتى. قامشى پورتالى – كۇنى كەشە عانا اق وليمپيادانى وتكىزۋ قۇقىعى الماتىنىڭ الاقانىنان جىلىپ، بەيجىڭنىڭ ەنشىسىنە بۇيىرعاندا ءبارىمىز قۋاندىق، ەندى ءبىرىمىز وكىنگەن بولدىق. ءجا، وتكەن ءىس كەتتى. ال الدىمىزدا ريو ويىندارى.
«قازاقستان 2016 جىلى ريو-دە-جانەيرو قالاسىندا وتەتىن جازعى وليمپيادا ويىندارىنا كەمىندە 110 جولداما الۋدى جوسپارلاپ وتىر. بۇل تۋرالى مادەنيەت جانە سپورت مينيسترلىگى سپورت كوميتەتىنىڭ كەزەكتى وتىرىسىندا جاريالانعان»، دەپ جازادى ازاتتىق.
قازىرگە دەيىن قازاقستاننىڭ 11 سپورتشىسى وليمپياداعا ليسەنزيا العان. ال وليمپياداعا ىرىكتەۋ 2016 جىلدىڭ ماۋسىم ايىنا دەيىن جالعاسادى. ريو-دە-جانەيرو وليمپياداسى 5-21 تامىز ارالىعىندا وتەدى.
بۇعان دەيىن 2012 جىلعى لوندون وليمپياداسىنا 115 سپورتشى اپارعان قازاقستان قۇراماسى 7 التىن، 1 كۇمىس جانە 5 قولا جۇلدە الىپ، جالپى كوماندالىق ەسەپتە 12-ورىن يەلەنگەن.
نۇرزات توعجان
