چەليابينسك وبلىسىندا قازاقستاندىق جۇرگىزۋشى جول اپاتىنان قازا تاپتى. Hyundai H1 شاعىن اۆتوبۋسى مەن "ۆاز-2108" اۆتوكولىگى جول ۇستىندە ۋۆەلسكي اۋدانىندا سوقتىعىسىپ قالدى. 3 تامىزدا بولعان بۇل جول كولىك وقيعاسى سول ساتتە جولدا كەتىپ بارا جاتقان كولىكتىڭ ۆيدەوتىركەگىشىنە ءتۇسىپ قالعان. بۇل تۋرالى "قامشى" اقپاراتتىق پورتالى tengrinews.kz سايتىنا سىلتەمە جاساي وتىرىپ حابارلايدى.

اپات چەليابينسك–ترويسك اۆتوجولىنىڭ 70-شاقىرىمىندا بولعان. شاعىن اۆتوبۋستىڭ تىزگىنىندە وتىرعان 60 جاستاعى قازاقستاندىق جولدىڭ قارسى باعىتىنا شىعىپ، 31 جاستاعى رەسەيلىك جۇرگىزۋشى  تىزگىندەگەن كولىكپەن سوقتىعىستى.

پوليسيا قىزىمەتكەرىنىڭ حابارلاۋىنشا: "جول اپاتىنىڭ سالدارىنان ەكى جۇرگىزۋشى دە سول جەردە قايتىس بولعان. اۆتوكولىكتە وتىرعان 18 جاستاعى قىز ءتۇرلى جاراقات الىپتى".  بۇل جول - كولىك وقيعاسى بويىنشا جەدەل-تەرگەۋ توبى جول اپاتىنىڭ سەبەپتەرىن انىقتاپ جاتىر.

گۇلدەن ءابدىباقىت