بۇگىن، 2 ساۋىردە كوروناۆيرۋس جۇقتىرعانى انىقتالعان شىمكەنت قالاسىنداعى سەگىز ادام دا بۇعان دەيىن ىندەت جۇقتىرعان ازاماتتىڭ وتباسى مۇشەلەرى مەن تۋىستارى. بۇل اقپاراتتى Coronavirus2020.kz cايتى حابارلادى.
سايت جاريالاعان اقپاراتقا قارعاندا، ناۋقاستار قازىرگى ۋاقىتتا شىمكەنت قالالىق جۇقپالى اۋرۋلار اۋرحاناسىنا وقشاۋلانىپ، ەم قابىلداپ جاتىر. ولارمەن بايلانىستا بولعانداردى انىقتاپ، وقشاۋلاۋ جۇمىستارى جۇرگىزىلىپ جاتىر.
ءقازىر شىمكەنت قالاسىندا كوروناۆيرۋس جۇقتىرعان 11 ادام بار. بۇل قالادا ەڭ ءبىرىنشى نۇر-سۇلتاننان اۆتوبۋسپەن كەلگەن ەر ادامنان ۆيرۋس تابىلعان. كەيىن ونىڭ اناسىنان دا ۆيرۋس انىقتالدى.
پىكىر قالدىرۋ