42 500 تەڭگەگە الۋعا ءوتىنىش قالدىراتىن جاڭا سەرۆيس ىسكە قوسىلدى

/image/2020/04/03/crop-5_25_150x266_bez-nazvaniya.jpg

قازاقستاندا توتەنشە جاعدايعا بايلانىستى مەملەكەتتىك الەۋمەتتىك ساقتاندىرۋ قورىنان بەرىلەتىن الەۋمەتتىك تولەمگە ءوتىنىش بەرۋگە ارنالعان قوسىمشا سەرۆيس ىسكە قوسىلدى. 

سەرۆيس Enbek.kz ەلەكتروندىق ەڭبەك بيرجاسىنىڭ الاڭىندا قۇرىلدى. ءماسق-تان ەڭ تومەنگى جالاقى – 42 500 تەڭگە مولشەرىندە تولەمگە ءوتىنىش بەرۋ ءۇشىن كەلەسى قادامداردى ورىنداۋ قاجەت:

1. 42500.enbek.kz سايتىنا كىرىڭىز؛
2. «جاردەماقى الۋ 42 500» تاڭداڭىز؛
3. ءوتىنىش بەرۋشىنىڭ ءاتى-جونى، جسن، IBAN نەمەسە جۇمىس بەرۋشىنىڭ بسن، ەلەكتروندى پوشتاسى كورسەتىلگەن نىساندى (فورما) تولتىرىڭىز؛
4. نىساندى (فورما) جىبەرۋ كەرەك؛
5. جۇيە تەلەفون ءنومىرىن سۇرايدى؛
6. تەلەفون ءنومىرىن SMS ارقىلى جىبەرىلگەن كودپەن راستاۋ؛
7. ءوتىنىش جىبەرىلدى.

ءوتىنىشتى وڭدەپ، «ازاماتتارعا ارنالعان ۇكىمەت» مەملەكەتتىك كورپوراسياسى» كەاق دەرەكتەرىن تەكسەرگەننەن كەيىن، ءوتىنىش بەرۋشى قابىلدانعان شەشىم تۋرالى SMS-حابارلاما الادى، اقپارات تولەمدى تاعايىنداۋ جانە تولەۋ ءۇشىن ءماسق-قا جىبەرىلەدى.

ەستەرىڭىزگە سالا كەتەيىك، توتەنشە جاعدايلار كەزىندە تابىسىنان ايىرىلۋ جاعدايىنا بايلانىستى ءماسق-تان الەۋمەتتىك تولەم كەلەسى ساناتتاعى ازاماتتارعا تاعايىندالادى:

  • ورتا، شاعىن جانە ميكروبيزنەس سۋبەكتىلەرىنىڭ قىزمەتكەرلەرى؛
  • جەكە كاسىپكەرلەر (بۇدان ءارى – جك)؛
  • جەكە پراكتيكامەن اينالىساتىن ادامدار (نوتاريۋس، جەكە سوت ورىنداۋشىسى، ادۆوكات، كاسىبي مەدياتور) (بۇدان ءارى – جپ)؛
  • ءبىرىڭعاي جيىنتىق تولەمدى تولەۋشىلەر؛
  • نىساناسى جۇمىستاردى ورىنداۋ (قىزمەتتەر كورسەتۋ) بولىپ تابىلاتىن ازاماتتىق-قۇقىقتىق سيپاتتاعى شارتتار (بۇدان ءارى – اقس) بويىنشا تابىس تاباتىن، سالىق اگەنتتەرى ولار ءۇشىن مىندەتتى زەينەتاقى جارنالارىن اۋدارعان ادامدار؛
  • كارانتين ەنگىزىلگەن ەلدى مەكەندەردەگى ءىرى بيزنەس سۋبەكتىلەرىنىڭ قىزمەتكەرلەرى.

وتىنىمدەردى قاراستىرۋدىڭ جانە الەۋمەتتىك تولەمدەردى تاعايىنداۋدىڭ جالپى مەرزىمى – 3 جۇمىس كۇنى.

ەگەر ءسىز بەيرەسمي جۇمىس ىستەگەن بولساڭىز، 42500 تگ. الەۋمەتتىك تولەماقىنى ەسق-سىز الۋعا بولادى دەگەن سىلتەمەگە باسىپ، ءوتىنىش قالدىرىپ كورىڭىز.

قاتىستى تەگتەر :

پىكىر قالدىرۋ

قاتىستى ماقالالار