شوتلانديانىڭ دەنساۋلىق ساقتاۋ ءمينيسترى كەترين كەلدەرۆۋد كوروناۆيرۋستىڭ الدىن الۋ ماقساتىندا ەنگىزىلگەن توتەنشە جاعداي ەرەجەسىن بۇزعانى ءۇشىن وتستاۆكاعا كەتتى. بۇل تۋرالى Reuters حابارلادى.
جەرلەستەرىنە ۇيدە قالۋعا كەڭەس بەرگەن مينيستر توتەنشە جاعداي كەزىندە ءوزىنىڭ قالا سىرتىنداعى ۇيىنە دەمالۋعا بارعان. مۇنى The Scottish Sun باسىلىمىنىڭ جۋرناليستەرى سۋرەتكە ءتۇسىرىپ، جاريالاعان. ءبىراز ۋاقىتتان سوڭ ءمينيستردىڭ 2 رەت توتەنشە جاعداي ەرەجەسىن بۇزعانى انىقتالدى.
"ۇلكەن وكىنىشپەن وتستاۆكاعا كەتىپ بارام. جاساعان ارەكەتىم ءۇشىن قاتتى وكىنەم. وزگەلەرگە بەرگەن كەڭەسىمە ءوزىم قۇلاق اسپادىم"، - دەدى كەترين كەلدەرۆۋد.
پىكىر قالدىرۋ