مەملەكەت باسشىسىنىڭ تاپسىرماسى بويىنشا حالىقتى توتەنشە جاعداي كەزىندە، سونداي-اق وسى كەزەڭنەن كەيىن جۇمىسپەن قامتاماسىز ەتۋ ءۇشىن جۇمىسپەن قامتۋدىڭ جول كارتاسى ازىرلەندى جانە بەكىتىلدى.

قابىلدانعان جول كارتاسىنىڭ نەگىزگى ماقساتتارى:

- جۇمىسپەن قامتۋدى قامتاماسىز ەتۋ جانە جۇمىسسىزدىقتىڭ وسۋىنە جول بەرمەۋ؛

- قوسىمشا جۇمىس ورىندارىن قۇرۋ جانە حالىقتاتابىستىڭ بولۋىن قامتاماسىز ەتۋ؛

- ەلدى مەكەندەردىڭ ينفراقۇرىلىمدىق دامۋى ءۇشىن جاعدايلار جاساۋ.

جول كارتاسىن جۇزەگە اسىرۋعا ءبىزدىڭ وبلىس ءۇشىن 34 ملرد. تەڭگە قاراستىرىلعان.

بارلىعى 144 جوبا ىسكە اسىرىلاتىن بولادى، ولار 8 911 جاڭا جۇمىس ورنىن، ونىڭ ىشىندە 400-دەن استام تۇراقتى جۇمىس ورنىن قۇرۋعا مۇمكىندىك بەرەدى.

جۇمىسپەن قامتۋدىڭ جول كارتاسى كەلەسى باعىتتار بويىنشا ينفراقۇرىلىمدىق جوبالاردى ىسكە اسىرۋدى كوزدەيدى:

1) الەۋمەتتىك-مادەني نىساندار: بارلىعى 63 جوبا،          2 829 جۇمىس ورنىن قۇرۋمەن، ونىڭ ىشىندە حالىقتى جۇمىسپەن قامتۋ ورتالىقتارى ارقىلى وسى جۇمىس ورىندارىنا 1387 ادام جۇمىسقا ورنالاسادى.

2) تۇرعىن ۇي-كوممۋنالدىق شارۋاشىلىق نىساندارى: 37 جوبا، 2 829 جۇمىس ورنىن قۇرۋمەن، ونىڭ ىشىندە جۇمىسپەن قامتۋ ورتالىقتارى ارقىلى وسى جۇمىس ورىندارىنا                     1 414 ادام جۇمىسقا ورنالاسادى.

3) ينجەنەرلىك-كولىكتىك ينفراقۇرىلىم نىساندارى: بارلىعى 30 جوبا، 1 382 جۇمىس ورنىن قۇرۋمەن، ونىڭ ىشىندە جۇمىسپەن قامتۋ ورتالىقتارى ارقىلى وسى جۇمىس ورىندارىنا 792 ادام جۇمىسقا ورنالاسادى.

4) بۇل ەلدى مەكەندەردى اباتتاندىرۋ بويىنشا 13 جوبا، 1 455 جۇمىس ورنىن قۇرۋمەن، سونىڭ ىشىندە جۇمىسپەن قامتۋ ورتالىقتارىنان 753 ادام جۇمىسقا ورنالاسادى.

جول كارتاسى شەڭبەرىندەگى جوبالارعا قاتىسۋ ءۇشىن ازاماتتار تۇرعىلىقتى جەرى بويىنشا حالىقتى جۇمىسپەن قامتۋ ورتالىقتارىنا جۇگىنۋ قاجەت.

جۇمىسپەن قامتۋ جول كارتاسى اياسىندا بۇگىنگى كۇنى مەردىگەردى انىقتاۋ بويىنشا ءتيىستى كونكۋرستىق راسىمدەر جۇرگىزىلۋدە. مەردىگەرلەردىڭ باسىم بولىگى وسى ايدىڭ سوڭىنا دەيىن انىقتالاتىن بولادى.

بۇل رەتتە، مەردىگەرلەرمەن شارتتار جاساسۋ كەزىندە ءبىرقاتار پرينسيپتىك تالاپتار قويىلادى:

1) جوبانى ىسكە اسىرۋ بارىسىندا قىزمەتكەرلەردىڭ كەمىندە 50% - ى جۇمىسپەن قامتۋ ورتالىقتارىنان تارتىلۋى ءتيىس.بۇل رەتتە ولاردىڭ جالاقىسى 150 مىڭ تەڭگەدەن كەم بولماۋى ءتيىس.

2) تاۋارلاردىڭ، جۇمىستار مەن كورسەتىلەتىن قىزمەتتەردىڭ كەمىندە 90% جەرگىلىكتى تاۋار وندىرۋشىلەردەن ساتىپ الىنۋى ءتيىس.

بارلىق وسى تالاپتار ورىندالۋى ءتيىس. جەرگىلىكتى جەرلەردەگى اكىمدەر مۇنى باقىلايتىن بولادى.