كۇنى كەشە عانا الماتى جۇرتىن ەسەڭگىرەتىپ تاستاعانى لاي-تاسقىنى ەسىمىزدەن ءالى ۇمىتىلا قويعان جوق-تى. ول كەزدە دامبىدان ورلەي اققان تاسقىن قالا كوشەلەرىن قيراتىپ كەتكەن بولاتىن. ال ءدال سول كەزدە الماتىنىڭ شەتكەرى ايماعى-  تالعار اۋدانىندا سۋ بوگەنى اپاتتى جاعدايدا دەگەن دابىل قاعىلىپ، تۇرعىنداردى ەۆاكۋاسيالاۋ جۇمىستارى باستالىپ كەتكەنى تۋرالى وسىعان دەيىن «قامشى» پورتالى جازعان بولاتىن.

5 تامىز كۇنى كەشكى ساعات 20:05 شاماسىندا تالعاردا تاعى دا دابىل قاعىلعان. الماتى وبلىسى تالعار اۋدانىندا 20 گەكتاردان استام جايىلىم القابىنان ءورت شىققان. توتەنشە جاعدايلار دەپارتامەنتىنىڭ باسپاسوز-قىزمەتىنىڭ حابارلاۋىنشا ورتتەن اۋىر زارداپ شەككەندەر جوق.

ءورتتى سوندىرۋگە بارلىعى 12 بىرلىك تەحنيكا  مەن الماتى قالاسى جانە الماتى وبلىسى توتەنشە جاعدايلار دەپارتامەنتى قىزمەتكەرلەرىنەن 58 ادام، ەرىكتىلەر توپبىنان 65 تۇرعىن جۇمىلدىرىلعان.

الدىن-الا بولجامدار بويىنشا ءورت كۇننىڭ قاتتى جىلىنۋىنان بولعان. ال سينوپتيكتەر بولسا الداعى اپتا بويى قازاقستاننىڭ وڭتۇستىك-شىعىس بولىگىندە اپتاپ ساقتالادى دەيدى.

نۇرزات توعجان