ق ر باس پروكۋراتۋراسى  قازاقستاندىق پروكۋرورلاردىڭ تەگەۋرىندى جۇرگىزگەن جۇمىستارىنىڭ ارقاسىندا 6 ايدىڭ ىشىندە 500-گە جۋىق قىلمىستىق ءىس انىقتالىپ، ناتيجەسىندە  مەملەكەت قازىناسىنا 6 ملرد تەڭگەنىڭ قايتارىلعانىن مالىمدەگەن. بۇل تۋرالى «قامشى» پورتالى حابارلايدى.

«مەملەكەتكە كەلتىرىلگەن شىعىننىڭ قايتارىمى رەتىندە 126 ملن تەڭگە ايىپپۇل مەن 6 ملرد تەڭگەگە جۋىق شىعىن قايتارىلعان»،-دەيدى باس پروكۋراتۋرانىڭ رەسمي سايتىندا.

اتالمىش كاتەگوريالار بويىنشا ءبىرىنشى ينستانسيالى سوتتار 313 ءوتىنىمدى قاراستىرىپ، ەل بيۋدجەتىنە 5،2 ملرد تەڭگە قايتارىلسا، پروكۋرورلاردىڭ ارنايى ءوتىنىمى بويىنشا 244 شاعىم قاناعاتتاندىرىلىپ، 3،8 ملرد تەڭگە قازىناعا تۇسكەن.

«پروكۋراتۋرا قىزمەتكەرلەرى جۇرگىزگەن ساراپتاما قورىتىندىسى بويىنشا، 2015 جىلدىڭ العاشقى توقسانىندا قاۋزالعان سوت قاراۋىنا 527 ادامنىڭ ۇستىنەن كەلتىرىلگەن 446 شاعىم كەلىپ تۇسكەن. ولاردىڭ مەملەكەتكە كەلتىرگەن شىعىن كولەمى 11،4 ملرد تەڭگەنى قۇراپ وتىر»،-دەيدى باس پروكۋراتۋرا.

نۇرزات توعجان