جۇڭگو پرەزيدەنتى اسكەري كۇشتەرىنە سوعىسقا دايىن بولۋدى بۇيىردى جانە بەيجىڭ جاھاندىق شيەلەنىستەر جاعدايىندا ۇكىمەتتىڭ باستى قۇجاتىنان «بەيبىتشىلىك» دەگەن ءسوزدى الىپ تاستادى. بۇل تۋرالى قامشى ءتىلشىسى The Sun گازەتىنە سىلتەمە جاساپ حابارلايدى.
باسىلىمنىڭ اقپاراتىنشا، جۇڭگو ءتوراعاسى سي سزينپين جۇڭگو حالىق ارمياسىنىڭ ۇلتتىق حالىق كونگرەسىندە سويلەگەن سوزىندە "سوعىسقا دايىندىقتى كۇشەيتۋ كەرەك" دەپ مالىمدەگەن.
جۇڭگو پرەزيدەنتىنىڭ بۇل مالىمدەمەسىمەن قوسا، بەيجىڭنىڭ تايۆان تۋرالى جىل سايىنعى ەسەبىنەن «بەيبىت تۇردە بىرىگۋ» دەگەن سيپاتتامالار الىنىپ تاستالعان. بۇل سيپاتتاما 2013 جىلدان بەرى قۇجاتتاردا بار بولعان.
ال جۇڭگو كوممۋنيستىك پارتياسىنىڭ اعىلشىن تىلىندە شىعاتىن Global Times گازەتى "بۇل بەيجىڭنىڭ تايۆاندى قوسىپ الۋعا بەل بۋعانىن كورسەتەدى" دەپ جازدى. الايدا باسىلىم "بۇل بەيبىت نۇسقالار ۇستەلدەن تولىعىمەن الىنىپ تاستالدى دەگەندى بىلدىرمەيدى" دەپ حابارلادى.
پىكىر قالدىرۋ