ءوڭىردىڭ ەكونوميكاسىن وركەندەتۋگە سەرپىلىس بەرەتىن ستراتەگياسى جاساقتالدى. ولار: وڭدەۋ ونەركاسىبىن دامىتۋ، اگروونەركاسىپتىك كەشەننىڭ الەۋەتى، تۋريزم سالاسىنداعى مۇمكىندىكتەر، كولىك جانە لوگيستيكا سالاسىن دامىتۋ. ايماق باسشىسى سەرىكباي ترۇموۆ وڭىرلىك جوبانىڭ ءار تارماعىنا جەكە-جەكە توقتالىپ، ءماسليحات الدىندا تانىستىردى. 
ءبىرىنشى: بيىلعى جىلى وڭدەۋ ونەركاسىبىندە جاڭا 7 جوبانى ىسكە قوسۋا ارقىلى جالپى ينۆەستيسيا 11،3 ملرد. تەڭگە جوسپارلانىپ وتىر. بۇل تاماق ونىمدەرى، ماشينا قۇراستىرۋ، پلاستماسسا ءوندىرىسى سالالارى.
1. ءتۇپقاراعان اۋدانىندا «اقتاۋ-اگرو» ج ش س قۇس فابريكاسىنىڭ قۇرىلىسى
2. «وردا» وندىرىستىك كومپانياسى» ج ش س قانت شيكىزاتىن قايتا وڭدەۋ جانە ونىڭ نەگىزىندە قانت قۇمى مەن ناۆات ءوندىرۋ شاعىن زاۋىتىن سالۋ جانە پايدالانۋ،
3. «ستالەليتەينىي سەنتر» ج ش س بولات قۇيۋ زاۋىتىنىڭ قۇرىلىسى
4. مۇنايلى اۋدانىندا «جامالبەك» ج ش س قۇراما جەم زاۋىتىنىڭ قۇرىلىسى،
5. «PERAPLASTIC SEZ» ج ش س پوليپروپيلەن قاپتاماسىن ءوندىرۋ
6. «دوستىق پوليمەر پليۋس» ج ش س پوليمەرلىك قاپتامانى ءوندىرۋ زاۋىتى،
7. «وSS Kazakhstan» ج ش س «مۇناي جانە بۇرعىلاۋ جابدىقتارىن ءوندىرۋ، قىزمەت كورسەتۋ جانە جوندەۋ ءوندىرىسى»
بۇدان باسقا قولدانىستاعى قىزمەت ەتىپ تۇرعان كاسىپورىنداردىڭ قۋاتتىلىق جۇكتمەسىن ارتتىرۋ جانە جاڭا وندىرىستەرىن اشۋ باعىتىنداعى جۇمىستار جۇرگىزىلەدى. نەگىزگى ماقسات وڭىردەگى 300-دەن استام كاسىپورىندارمەن بىرلەسكەن جۇمىستى جانداندىرۋ.
ول ءۇشىن ۇكىمەت تاراپىنان دا ءبىرقاتار قولداۋ تەتىكتەرى قارالعان.
ناتيجەسىندە بيىل جالپى وڭىرلىك ونىمدەگى وڭدەۋ ونەركاسىبىنىڭ ۇلەسىن 4،5%-عا شيكىزاتتىق ەمەس تاۋارلار ەكسپورتىن 90 ملن. دوللارعا دەيىن جەتكىزۋدى كوزدەلىپ وتىر. 
ەكىنشى. اگروونەركاسىپتىك كەشەننىڭ الەۋەتىن ارتتىرۋ.
وبلىسقا ازىق-تۇلىك ونىمدەرىنىڭ كوپ بولىگى وزگە وڭىرلەردەن جانە شەت مەملەكەتتەردەن كەلەتىن بولعاندىقتان اگروونەركاسىپ سالاسىندا 3 نەگىزگى باعىت قاراستىرىلعان. جاڭا جوبالاردى قۇرۋ، ەگىس القاپتارىن ۇلعايتۋ؛ ىستەپ تۇرعان سۋبەكتىلەرىنە قولداۋ كورسەتۋ. 
مال شارۋاشىلىعىن دامىتۋ اياسىندا جايىلىمداردى سۋمەن قامتۋ ءۇشىن 60-قا جۋىق قازىلعان قۇدىقتارعا سۋبسيديا بەرىلەتىن بولادى.
«ەڭبەك» باعدارلاماسى اياسىندا 300-دەن استام جوباعا شاعىن نەسيە بەرۋ جوسپارلانۋدا جانە «قاراپايىم زاتتار ەكونوميكاسى» بويىنشا كەمىندە 35 جوباعا قولداۋ كورسەتىلەدى.
بۇعان قوسا، «اگروبيزنەس 2020» جانە وڭىرلىك «نۇر كاپيتال» باعدارلامالارى اياسىندا ءتيىمدى مەحانيزمدەر جاساقتالدى.
ءوڭىر حالقىن جەرگىلىكتى كوكونىس ونىمىمەن قامتاماسىز ەتۋ كولەمىن ارتتىرۋ ءۇشىن – جىلىجاي الاڭىن 27،4 گەكتاردان 34،4 گەكتارعا جەتكىزىپ، بيىل 72 جىلىجايعا جەتكىزىپ، سۋارمالى جەرلەردى دە ارتتىرۋ جوسپارلانعان.
مەملەكەت باسشىسىنىڭ «ەگىس دالاسىنان – دۇكەن سورەسىنە دەيىن» اتتى پيلوتتىق جوباسى اياسىدا، ساتىپ الۋ جانە ساتۋ جۇيەسىن قالپىنا كەلتىرۋ مەحانيزمى قاراستىرىلدى. بۇل جوبالار ىسكە اسقان جاعدايدا اگروونەركاسىپ كەشەنى سالاسىندا 2020 جىلدىڭ سوڭىنا دەيىن اۋىل شارۋاشىلىعى ءونىمىنىڭ كولەمىن 24 ملرد. تەڭگەگە دەيىن جەتىپ، قوسىمشا 700-دەن استام جۇمىس ورنىن قۇرىلادى دەپ جوسپارلانىپ وتىر.
ءۇشىنشى. تۋريزم سالاسىن دامىتۋ. وسى جىلى بۇل سالا بويىنشا 665 جۇمىس ورنىن قۇرىلىپ، جالپى قۇنى 64 ملرد. تەڭگەنى قۇرايتىن 3 جوبا پايدالانۋعا بەرىلەدى. ولار:
1. «ريكسوس اكتاۋ» كوپفۋنكسيونالدى تۋريستىك-قوناق ءۇي كەشەنى؛
2. «دوستار» قوناق ءۇي كەشەنىنىڭ اكۆاپاركى؛
3. «حوليدەي ينن» قوناق ءۇي كەشەنىنىڭ اكۆاپاركى.
ءتورتىنشى. كولىك جانە لوگيستيكا سالاسىن دامىتۋ. 
كاسپيي باسسەينىندەگى قازاقستاندىق پورتتارىنىڭ جۇك اينالىمىنداعى اقتاۋ پورتىنىڭ ۇلەسى – 60%، قۇرىق پورتى – 23%، سولتۇستىك تەرمينال – 17% قۇرايدى.
بۇگىنگى تاڭدا اقتاۋ پورتى كونتەينەرلىك حابتى قۇرۋ بويىنشا بەلسەندى جۇمىس جۇرگىزۋدە. بۇل كاسپيي ءوڭىرى مەن ورتا ازيا ەلدەرى ءۇشىن پورت اۋماعىندا كونتەينەرلىك پارك قالىپتاستىرۋعا، ءوز جۇگىن پورتقا دەيىن اۆتوكولىكپەن دە، تەمىرجول جىلجىمالى قۇرامى، كونتەينەرلەرمەن دە جەتكىزۋ جانە ودان ءارى جونەلتۋ ءۇشىن كليەنتتەرگە قولايلى جاعداي جاساۋعا مۇمكىندىك بەرەدى. بۇل شارالاردىڭ جۇزەگە اسىرىلۋى تەڭىز پورتتارىندا جۇك اعىنىنىڭ ۇلعايۋىنا تىڭ سەرپىن بەرەدى. سونداي-اق، وسى جىلى 217،4 شاقىرىمدى قۇرايتىن 7 اۆتوموبيل جولدارىنىڭ رەكونسترۋكسياسى مەن جوندەۋ جۇمىستارىن اياقتاۋ جوسپارلانىپ وتىر.
«اۋىل – ەل بەسىگى» جوباسى اياسىندا بيىل بەينەۋ، اقشۇقىر، قىزىلتوبە، باياندى، باسقۇدىق اۋىلدارىندا 44،4 شاقىرىم (ملرد. تەڭگە) جول سالىنادى جانە 52،2 شاقىرىم جول ورتاشا جوندەۋدەن وتكىزىلەدى.
سونىمەن بىرگە «جۇمىسپەن قامتۋ جول كارتاسى» اياسىندا جاڭا اۆتوموبيل جولدارىن سالۋ جانە قولدانىستاعىلارىن جوندەۋ بويىنشا 3 وبلىستىق، 7 قالاىشىلىك جانە 20 اۋىلىشىلىك ماڭىزى بار جولدار جاسالادى.
جوعارىدا اتالعان ءتورت باعىت جۇيەلى تۇردە جۇرگىزىلەتىن بولسا، وڭىردە ەكى مىڭعا جۋىق جاڭا جۇمىس ورنى قۇرىلادى.
ماڭعىستاۋ وبلىسى اكىمىنىڭ باسپا ءسوز قىزمەتى