امەريكالىق ساياساتكەر بەيجىڭ اقش-پەن "سوعىسۋدا" دەپ مالىمدەدى. بۇل تۋرالى قامشى ءتىلشىسى بريتانيالىق Daily Express گازەتىنە سىلتەمە جاساپ حابارلايدى. بريتانيالىق باسىلىم "امەريكا ساياساتكەرى قىتايدىڭ اقش-پەن سوعىسىپ جاتقانىن شۇعىل ەسكەرتتى" دەگەن تاقىرىپپەن اقپارات جاريالادى.
كوروناۆيرۋستىڭ تارالۋىنا، گونكونگتىڭ ەگەمەندىگى ماسەلەسىنە جانە وڭتۇستىك جۇڭگو تەڭىزىندەگى شيەلەنىستەرگە بايلانىستى بەيجىڭ مەن ۆاشينگتون اراسىنداعى قارىم-قاتىناس ناشارلاي تۇسۋدە.
اقش وكلاحوما شتاتىنىڭ رەسپۋبليكاشىلدار وكىلى كيەۆين ەرننىڭ ويىنشا، ەنەرگياعا باي وڭتۇستىك جۇڭگو تەڭىزىندەگى بەيجىڭ كۇشتەرىنىڭ ارتۋى ەكى ەل اراسىنداعى قايشىلىقتى كۇشەيتەتىن ءقاۋىپتى فاكتور بولماق.
وكىلدەر پالاتاسىنىڭ مۇشەسى ەرن "قىتايلىق اسكەري كۇشتەر اقش-تىڭ كەمەلەرىنە ءقاۋىپ ءتوندىرىپ وتىر" دەپ ايىپتادى. ونىڭ پىكىرىنشە، بەيجىڭنىڭ ەكونوميكاسى مەن اسكەري-تەڭىز كۇشتەرى ارتاتىن بولسا، جاعداي ءتىپتى ناشارلاي تۇسەدى.
ۆاشينگتوندا شىعاتىن The Hill گازەتىنە بەرگەن سۇحباتىندا ول: "ءبىز قىتايمەن سوعىسپاۋىمىز مۇمكىن، ءبىراق ولار بىزبەن سوعىسۋدا" دەگەن.
– وڭتۇستىك جۇڭگو تەڭىزىندە جۇڭگو اسكەري-تەڭىز كۇشتەرى ارال-بەكىنىستەر سالۋدا جانە ولاردىڭ اسكەري كەمەلەرى حالىقارالىق ساۋدا باعىتتارىن قامتاماسىز ەتەتىن اقش اسكەري-تەڭىز كۇشتەرىنە ءقاۋىپ توندىرۋدە، – دەيدى ول.
پىكىر قالدىرۋ