ءبىر جاس جىگىت جاڭادان اكىم بولعان كەزدە الدىڭعى اكىم بۇعان ءۇش حات قالدىرىپتى، "تەك، قينالعان كەزدە اشىپ وقىرسىڭ" دەپ. سونىمەن، الگى جاڭا اكىم ءوز قىزمەتىن اتقارا باستايدى. بۇل جۇمىس ءوزى ويلاعانداي وڭاي بولماي شىعادى دا، ۇزاماي الگى ءۇش حاتتىڭ ءبىرىنشىسىن اشىپ وقيدى، وندا "ۇيىپ-توگىپ ۋادەنى بەرە بەر" جازىلعان ەكەن. بۇل بۇلجىتپاي ورىندايدى.

ارادا جانە ءبىراز ۋاقىت وتەدى. قۇرعاق ۋادەلەردەن جالىققان حالىق بۇعان نارازى بولا باستايدى. تىرلىگى العا باسپاعان اكىم "ەكىنشى حاتتى اشاتىن مەزگىل دە جەتتى-اۋ" دەگەن ويمەن كەلەسى حاتتى وقيدى. "بۇرىنعى اكىمدى جامانداي بەر"،- دەپ جازىلىپتى.

اكىم سولاي ەتەدى، ءبىراق، مۇنىمەن قاشانعى ءجۇرسىن؟ ارادا ءبىراز ۋاقىت وتكەن سوڭ جانە داعدارىپ، سوڭعى حاتتى اشپاققا بەكىنەدى عوي. ونداعى ءماتىن دە قىسقا عانا ەكەن: "ەندى ورنىڭدى بوساتا بەر".

مىقتىبەك ورازتاي ۇلى، Facebook پاراقشاسىنان