تامىزدىڭ 9-نان 10-نا قاراعان ءتۇنى تۇركيانىڭ ستامبۇل قالاسىنداعى پوليسيا باسقارمالارىنىڭ بىرىندە جارىلىس بولىپ، ءۇش جاندارم مەن تاعى جەتى بەيبىت تۇرعىن اۋىر جاراقات العان. بۇل تۋرالى «قامشى» پورتالى تاسس-قا سىلتەمە جاسايدى.

تۇركيالىق «Haberturk» تەلەارناسى كەلتىرگەن دەرەكتەر بويىنشا، قىلمىسكەرلەر شابۋىل جاساۋ ءۇشىن مينا قويىلعان كولىكتى پايدالانعان. ستامبۇلدىڭ سۋلتانبەيلي اۋدانىندا 01:01-دە ورىن العان جويقىن جارىلىس سالدارىنان پوليسەي ۋچاسكەسىنىڭ  ءۇش قاباتتى عيماراتىنىڭ ءبىر بولىگى قيراعان، ارتىنشا عيمارات تولىقتاي ورتكە ورانعان. جالىن جاقىن تۇرعان دۇكەندى دە شارپىپ، جارىلىس تولقىنىنان  جاقىن جەردە تۇرعان 15 اۆتوكولىك ورتەنگەن.

قازىرگى تاڭدا جارىلىستان زارداپ شەككەندەر اۋرۋحاناعا جەتكىزىلگەن.

تۇركيالىق تەلەارنالار حابارلاعانداي ءقازىر پوليسيا قىلمىسكەرلەردى ىزدەستىرۋدە. الدىن الا بولجامدارعا سۇيەنسەك، شابۋىلدىڭ ارتىندا كۇردستان جۇمىس توبىنىڭ (كجت) سودىرلارى تۇرۋى مۇمكىن.

تۇركيا ارەكەتىنە تىيىم سالعان قجت جاۋاپ رەتىندە شىلدەدە قارۋلى كۇرەستى جانداندىراتىنىن حابارلاعان. تۇرىك قۇقىق قورعاۋ ورگاندارى تاراپىنان ءبىتىمدى بۇزاتىنىن مالىمدەگەن. سودان بەرى، تۇرىكتىڭ ااك يراكتىڭ سولتۇستىگىندەگى كجت لاگەرلەرىنە سوققى جاساي باستاعان ساتتەن باستاپ، پارتيا سودىرلارى كۇن سايىن شابۋىلداۋعا كوشتى. 20 شىلدەدەن باستاپ قۇقىق قورعاۋ ورگاندارى مەن كجت مۇشەلەرى اراسىندا ورىن العان قاقتىعىستان تۇرىك قارۋلى كۇشتەرىنىڭ 20-دان استام اسكەري قىزمەتشىسى قازا تاپتى.

نۇرزات توعجان