ەۋرازيالىق ەكونوميكالىق وداققا مۇشە ەلدەر پرەزيدەنتتەرى قىرعىزستاننىڭ وداققا ءوتۋى تۋرالى قۇجاتتاردى راتيفيكاسيالاعانى تۋرالى وسىعان دەيىن دە جازعان بولاتىنبىز. اتالمىش قۇجاتتارعا سايكەس قىرعىزستاننىڭ ەاەو مۇشە ەلدەرمەن شەكاراسىندا كەدەندىك باقىلاۋ بەكەتتەرىن الىپ تاستاۋ ءراسىمى 12 تامىزعا بەلگىلەنگەن. بۇل تۋرالى «قامشى» پورتالى bnews.kz-كە سىلتەمە جاساي وتىرىپ حابارلايدى. 

«قىرعىزستاننىڭ ەاەو-عا تولىققاندى كىرۋىنە جانە «اق-جول» وتكىزۋ بەكەتىندە كەدەندىك باقىلاۋدى الىپ تاستاۋ ۇردىستەرىنىڭ جۇرگىزىلۋىنە بايلانىستى قىرعىزستان مەن قازاقستان اراسىنداعى مەملەكەتتىك شەكارانى كەسىپ وتەتىن تۇلعالار، اۆتوكولىك قۇرالدارى مەن جۇكتەرى ءۇشىن شەكارا باقىلاۋىن جۇزەگە اسىرۋ ۋاقىتشا توقتاتىلادى»، - دەپ كورسەتىلگەن قۇجاتتاردا.

ەسكە سالا كەتسەك، قىرعىزستان بيلىگى كەدەندىك وداققا كىرۋ تۋرالى شەشىمدى 2011 جىلدىڭ كوكتەمىندە قابىلداعان بولاتىن. 2014 جىلدىڭ جەلتوقسانىندا ماسكەۋدە تاراپتار رەسپۋبليكانىڭ ەاەو-عا قوسىلۋى تۋرالى كەلىسىمگە، ال مامىردا ونىڭ ءۇش حاتتاماسىنا قول قويدى.

نۇرزات توعجان