باۋىرجان بايبەك  الماتى  قالاسىنىڭ اكىمى بولىپ تاعايىندالدى، - دەپ حابارلايدى «قامشى» پورتالى Tengrinews.kz تىلشىسىنە سىلتەمە جاساپ.  "ن.نازاربايەۆ الماتى اكتيۆىنە قالانىڭ جاڭا اكىمى باۋىرجان بايبەكتى تانىستىردى"، - دەلىنگەن حابارلامادا. باۋىرجان بايبەك - 1974 جىلى 19 ناۋرىزدا الماتى  قالاسىندا تۋعان. "بولاشاق" باعدارلاماسى بويىنشا گەتە ينستيتۋتتىن (برەمەن قالاسى، 1995) "نەمىس ءتىلى"؛ "بولاشاق" باعدارلاماسى بويىنشا ليۋبەك قالاسىنداعى جوعارى مەكتەپتى (گفر، 1998) پەداگوگ؛ ورتالىق ازيا ۋنيۆەرسيتەتىن (2002) حالىقارالىق ەكونوميست ماماندىقتارى بويىنشا بىتىرگەن. "نۇر وتان" حدپ مۇشەسى (2002 جىلدان). 1999 جىلدان - ماينداعى فرانكفۋرت قالاسى ق ر باس كونسۋلدىعىنىڭ رەفەرەنتى ، اتتاشەسى - گفر-داعى ق ر ەلشىلىگى ەكونوميكالىق ءبولىمىنىڭ ءۇشىنشى حاتشىسى (بەرلين قالاسى). 2002 جىلدان - ق ر پرەزيدەنتى اكىمشىلىگى جۇيەلى زەرتتەۋلەر ورتالىعىنىڭ ساراپشىسى. 2003 جىلدان - ق ر پرەزيدەنتى حاتتاماسىنىڭ اقپارات پەن تالداۋ سەكتورىنىڭ مەڭگەرۋشىسى، 2004 جىلدان - باس ينسپەكتورى، 2006 جىلدان - حاتتاما جەتەكشىسى. 2009 جىلدىڭ تامىز ايىنان بەرى - ق ر پرەزيدەنتى اكىمشىلىگى جەتەكشىسىنىڭ ورىنباسارى. ق ر پرەزيدەنتىنىڭ حالىقارالىق "بولاشاق" ستيپەندياسى ستيپەندياتتارى قاۋىمداستىعى كەڭەسىنىڭ (2008 جىلدان)؛ قازاق گۋمانيتارلىق زاڭ ۋنيۆەرسيتەتى قامقورشىلىق كەڭەسىنىڭ (2010 جىلدان) ءتوراعاسى.