كەشە الماتىدا قونايەۆ جانە جىبەك جولى كوشەلەرىنىڭ قيىلىسىندا ورنالاسقان «پاسساج» ساۋدا ۇيىنەن ءورت شىقتى. بۇل تۋرالى «قامشى» پورتالى Tengrinews.kz-كە سىلتەمە جاساي وتىرىپ حابارلايدى.

ءتىلسىز جاۋ  ساۋدا ءۇيىنىڭ سول جاق بولىگىن تولىق شارپىپ،  جانە بىرنەشە اسحانا ورتەنىپ كەتكەن. قازىرگە بەلگىلى بولعانداي، ءورت كەزىندە اۋىر جاراقات العاندار مەن قازا بولعاندار جوق.

الدىن الا بولجامدار بويىنشا، ءورت ەلەكتر جەلىلەرىنەن شىققان بولۋى مۇمكىن.  ال وقيعانى كوزبەن كورگەندەردىڭ ايتۋىنشا، ءورت ساۋدا ءۇيىنىڭ جانىندا ورنالاسقان تۇرىك اسحاناسىنان شىققان، كەيىن ساۋدا ءۇيىنىڭ سول جاق بولىگىن جالماپ كەتكەن.

الماتى قالالىق تجد اقپاراتىنا سۇيەنسەك، ءورتتى سوندىرۋگە 13 بىرلىك تەحنيكا كەلگەن. ءورت 19:29 شاماسىندا باستالىپ، 19:42 –دە اۋىزدىقتالعان. ءورتتىڭ قامتىعان اۋماعى – 80 شارشى مەتردى قۇراعان.

نۇرزات توعجان