الماتى وبلىسى رايىمبەك اۋدانىنىڭ ەكس-اكىمى ك.تولەپبەردييەۆكە قىزمەتتىك مانسابىن جەكە مۇددەگە پايدالانىپ، ءىرى كولەمدە پارا العانى ءۇشىن 22 ميلليون تەڭگە ايىپپۇل سالىنعان. بۇل تۋرالى «قامشى» پورتالى Tengrinews.kz-كە سىلتەمە جاساي وتىرىپ حابارلايدى.

الماتى وبلىستىق سوتىنىڭ باسپاسوز-قىزمەتى تاراتقان اقپاراتتارعا سۇيەنسەك، ءىس ماتەريالدارىن ساراپتاعاننان كەيىن ەكس-اكىمنىڭ ورىنباسارىنان جەر تەلىمى ءۇشىن 370 مىڭ تەڭگە پارا العاندىعى دالەلدەنگەن.

"2015 جىلى 10 تامىزداعى سوت ۇكىمىنە سايكەس ك. تولەپبەردييەۆ ق ر قك 366-بابى، 2-تارماعىندا قاراستىرىلعان قىلمىسقا بارعانى ءۇشىن كىنالى دەپ تانىلدى. وعان 22 200 000 كولەمىندە ايىپپۇل سالۋ جازاسى تاعايىندالدى"، - دەلىنگەن حابارلامادا.

سونىمەن قاتار، مەملەكەتكە كىرىس اكەلۋ ءۇشىن جەكە مۇلكىن تاركىلەۋ جانە باسقارۋ ورگاندارى مەن مەملەكەتتىك قىزمەتتە جۇمىس ىستەۋ قۇقىعىنان ءومىر بويىنا ايىرۋ جازالارى قولدانىلدى. سوت ۇكىمى كۇشىنە ەندى.

نۇرزات توعجان