كەشە الماتى قالالىق سوتى ءوز جىنىسىن اۋىستىرعانى ءۇشىن جۇمىستان قۋىلعان بۇرىنعى پوليسيا قىزمەتكەرىنە قاتىستى شەشىمدى شىعارعان. قالالىق سوتتىڭ شەشىمىمەن بۇرىنعى پوليسەي قىزمەتكەرىنىڭ جۇمىسقا قايتا قابىلداۋ تۋرالى شاعىمىن قاناعاتتاندىرمادى جانە كەلتىرىلگەن مورالدىق شىعىنى ءۇشىن وتەماقى سۇراعان تالابىن دا ورىندامادى. بۇل تۋرالى «قامشى» پورتالى «ازاتتىققا» سىلتەمە جاساي وتىرپ حابارلايدى.

ەستەرىڭىزدە بولسا، وسىعان دەيىن قازاقستاندىق پوليسەي ايەلدىڭ جىنىسىن وزگەرتۋ ءۇشىن وپەراسيا جاساتقانى جانە بۇل ارەكەتى ءۇشىن جۇمىستان الاستاتىلعانى تۋرالى قازاقستاندىق ب ا ق جازعان بولاتىن.

وسىلايشا، الماتى قالالىق بۇرىنعى ىشكى ىستەر دەپارتامەنتى قىزمەتكەرىنىڭ ءىسى سوتقا دەيىن جەتكەن. پوليسيا ستارشيناسى بولىمشەگە كەلىپ تۇسكەن قوڭىراۋلاردى قابىلداپ، پاترۋلدىك پوليسيا قىزمەتىن ۇيىمداستىرىپ وتىرعان. ول ءوزى پوليسيادا جۇمىس ىستەگەن جىلدارى ايەل وبرازىندا جۇرگەن، كەيىن جىنىسىن اۋىستىرۋ تۋرالى شەشىم شىعارعاندا جۇمىسىنان ايىرىلىپ قالعان.

الماتىنىڭ جەدەل باسقارۋ ورتالىعىنىڭ بۇرىنعى قىزمەتكەرى سوتتان جۇمىسىنا قايتا الۋدى، «ەرىكسىز جۇمىستان قالعان كۇندەرى ءۇشىن» جالاقى ءوندىرۋدى جانە ادۆوكاتتىڭ قىزمەت اقىسىن تولەۋدى جانە 80 ميلليون تەڭگە كولەمىندە «مورالدىق وتەماقى» ءوندىرىپ بەرۋدى سۇراعانىمەن، العاشقى سوت ينستانسياسى پوليسيا قىزمەتكەرىنىڭ تالاپتارىن قاناعاتتاندىرماعان.

جىنىسىن اۋىستىرعان ەكس-پوليسەيدىڭ ايتۋىنشا، جىنىستى وزگەرتەتىن وپەراسيا مەملەكەتتىك مەديسينالىق كۆوتا بويىنشا جاسالعان.

«مەن جەڭىلەتىنىمدى بىلگەنمىن. بۇل جۇرتتىڭ كوبى جانە شەنەۋنىكتەر دە گوموفوب ەكەندىگىن بىلدىرەدى. ولارعا بۇكىل ءبىر جۇيە مەن ەمەس، جالعىز-جارىمدارمەن، ترانسگەندەرمەن كۇرەسكەن وڭاي. ەگەر مەن جەڭسەم، قۇقىق قورعاۋ ورگاندارىندا ادام قۇقىعى بۇزىلماعان بولار ەدى»، دەيدى ەكس-پوليسەي.

نۇرزات توعجان