بۇگىننەن باستاپ قىرعىزستان قازاقستان، بەلورۋسيا، رەسەي جانە ارمەنيامەن قاتار ەۋرازيالىق ەكونوميكالىق وداقتىڭ تولىققاندى مۇشەسى بولدى.  بۇل تۋرالى «قامشى» پورتالى ەاەو كوميسسياسى اقپاراتتارىنا سىلتەمە جاسايدى.

«12 تامىزدان باستاپ قىرعىز رەسپۋبليكاسىنىڭ ەاەو-عا قوسىلۋ تۋرالى كەلىسىمدەر كۇشىنە ەنەتىن بولادى. سونداي-اق، قىرعىزستان وداققا مۇشە ەلدەرگە شەكارالىق قاتىناستارىن تولىق اشاتىن بولادى»،-دەلىنگەن رەسەيلىك اقپارات كوزدەرىندە.

«قىرعىزستاننىڭ ەاەو-عا مۇشە بولۋى بىرىنشىدەن سول مەملەكەت ءۇشىن كوپتەگەن مۇمكىنشىلىكتەردى اشادى. بىرىنشىدەن، تاۋار تاسىمالداۋ جولدارىنداعى كەدەرگىلەر جويىلىپ، قىزمەت، جاڭا جۇمىس كۇشتەرى اشىلادى. جاڭا ينۆەستيسيالىق جوبالار مەن ءىرى ينفراقۇرىلىمدىق جوبالار تارتۋعا مۇمكىندىك تۋىپ وتىر. سونىمەن قاتار، ەنەرگەتيكا، ترانسپورت،اۋىلشارۋاشىلىق قۇرىلىمدارعا جاڭا جولدار اشىلادى. قىرعىزستان ازاماتتارى وداققا مۇشە كەز كەلگەن مەملەكەتتى ەركىن جۇمىس ىستەي الادى»،ء-ديدى ەەك.

ال ريا ءنوۆوستي-دىڭ اقپاراتىندا قازاقستان مەن قىرعىزستان اراسىنداعى كەدەندىك باقىلاۋدى الىپ تاستاۋ ءراسىمى 12 تامىز كۇنى وتەتىن بولادى. بۇل شاراعا قوس ەلدىڭ پرەزيدەنتتەرى نۇرسۇلتان نازاربايەۆ پەن المازبەك اتامبايەۆ قاتىسادى دەپ جوسپارلانۋدا. كەدەندىك باقىلاۋدى الىپ تاستاۋ ونلاين جۇيەدە ەكى ەلدىڭ ارنالارىنان كورسەتىلەتىن بولادى.

دەگەنمەن قازاقستاندىق ەكونوميستەردىڭ ايتۋىنشا،  كەدەندىك باقىلاۋدى الىپ تاستاعاننان كەيىن ەلىمىزدىڭ ىشكى نارىعىنا ارزان قىرعىز تاۋارلارى كوپتەپ كەلە باستايدى. بۇل قازاقستاندىق تاۋارلاردىڭ باسەكەگە قابىلەتىن تومەندەتەتىنى ءسوزسىز. اسىرەسە، كىشى جەكە كاسىپكەرلەر شىعىنعا باتۋى مۇمكىن. سەبەبى، قازاقستاندىق تاۋارلار ساپاسى جاقسى بولعانىمەن باعاسى قىرعىز تاۋارلارىنىڭ باعاسىنا سايكەس كەلمەيدى.

نۇرزات توعجان