الماتىدا سايران كولىنەن ءقاۋىپتى باكتەريالاردىڭ تابىلۋىنا بايلانىستى سۋعا تۇسۋگە تىيىم سالىندى. بۇل تۋرالى المالى مەن اۋەزوۆ اۋداندارى اكىمدىگىنىڭ الەۋمەتتىك جەلىدەگى پاراقشاسىندا جاريالاندى.
"الماتى قالالىق "ۇلتتىق ساراپتاما ورتالىعى" شجق رمك ساراپتاماسىنا سايكەس سايران كولىنىڭ شىعىس جاعالاۋىنان دەمالۋشىلاردىڭ دەنساۋلىعىنا ايتارلىقتاي زيان كەلتىرۋى مۇمكىن ميكروورگانيزمدەر انىقتالدى. وسى ورايدا، اتالعان جاعالاۋدىڭ جابىلعانىن حابارلاي وتىرىپ، 2020 جىلدىڭ 25 ماۋسىمىنان باستاپ سۋعا تۇسۋگە تىيىم سالىناتىنعىن ەسكەرتەمىز" دەلىنگەن المالى اۋدانى اكىمدىگى تاراتقان حابارلامادا.
سونىمەن قاتار، كولدىڭ باتىس جاعالاۋىندا دا وسى باكتەريالاردىڭ تابىلۋىنا بايلانىستى اۋەزوۆ اۋدانىندا دا سۋعا تۇسۋگە تىيىم سالىندى.
پىكىر قالدىرۋ