"سولتۇستىك كورەيا مەن يران وداقتاس بولاتىنىن جاريالاپ، دۇنيەجۇزىلىك سوعىستىڭ ەسكەرتۋ دابىلى سوعىلدى" دەپ حابارلادى بريتانيالىق Daily Express گازەتى.
سولتۇستىك كورەيا مەن يران اقش-قا قارسى وداق قۇرۋ سەنىمىن راستاعاننان كەيىن جاھاندىق سوعىستىڭ ءقاۋپى توڭىرەگىندە تاعى ءبىر رەت قورقىنىش پايدا بولدى.
سولتۇستىك كورەيانىڭ "NK News" مەملەكەتتىك گازەتىنىڭ حابارلاۋىنشا، پحەنياننىڭ يرانداعى جاڭا ەلشىسى حان سونگ ۋ يران پرەزيدەنتى حاسان رۋحانيمەن كەزدەسىپ، ولار ەكى ەل اراسىنداعى تىعىز قاتىناستاردى قۇرۋعا ۇمىتتەنەتىندەرىن جەتكىزگەن.
كەزدەسۋدىڭ رەسمي بايانداماسىندا ادەتتەگىدەي انتي-امەريكالىق ريتوريكا مەن «قاتىگەز اقش» تۋرالى ايىپتاۋلار ايتىلعان.
"NK News" تەلەارناسىنىڭ حابارلاۋىنشا، پرەزيدەنت روۋحاني: «اقش شەنەۋنىكتەرى يران مەن كورەيا حالىقتىق دەموكراتيالىق رەسپۋبليكاسى سياقتى ۇكىمەتتەر مەن حالىقتارعا ءاردايىم قىسىم كورسەتىپ كەلەدى» دەگەن.
گازەت سونىمەن بىرگە روۋحاني مەن كيم چەن ىن اقش-تىڭ «قاقپايلاۋى پەن قورلاۋىنا» قارسى بۇرىنعىدان دا مىقتى بولۋى كەرەكتىگىن مالىمدەگەن.
پىكىر قالدىرۋ