مەملەكەتتىك ءبىلىم گرانتتارىن بولۋدەگى «شيكىلىكتەر» تۋرالى «قامشى» پورتالى وسىعان دەيىن دە جازعان بولاتىن. جاقىندا باتىس قازاقستان وبلىسىندا ءبىلىم گرانتىنا ىلىكپەي قالعان قىز وزىنە-وزى قول جۇمساعان. بۇل تۋرالى «قامشى» پورتالى tengrinews.kz-كە سىلتەمە جاساي وتىرىپ حابارلايدى.

ورالدىق "موي گورود" سايتىنىڭ حابارلاۋىنشا، قازا بولعان قىزدىڭ اناسى اتالمىش سايتقا سۇحبات بەرگەن.

قازا بولعان قىزدىڭ شەشەسى باقىتتىڭ ايتۋىنشا، ونىڭ جالعىز قىزى ايگەرىم وقيعا الدىندا گرانتقا تۇسكەندەردىڭ ءتىزىمىن قاراعان.  ءوزىنىڭ ءاتى-جونىن تىزىمنەن تاپپاعان .

"ول ناتيجەلەردى ءبىرىنشى كومپيۋتەر ارقىلى قاراعان، ودان شىقپاعان سوڭ كەيىن ۇيالى تەلەفوننان قارادى. سوسىن، سەنبەي پوشتاعا بارىپ، "ەگەمەن قازاقستان" گازەتىن ساتىپ الدى. كەيىن ماعان "مەن تىزىمدە جوق ەكەنمىن" دەدى. مەن وعان "جارايدى، ەشتەڭە ەتپەيدى، ءبىز سەنى الماتىداعى قىزپي-گە جىبەرەمىز دەدىم. مەن ونى ەشقايدا تاستامايتىنىمدى، سەبەبى جالعىزىم ەكەنىن ايتتىم. ول جۋىنۋعا باراتىنىن ايتتى. ول ءتىپتى جىلاعان دا جوق "، - دەيدى باقىت.

بۇدان كەيىن شەشەسىنىڭ ايتۋىنشا، ايگەرىم جۋىنىپ، ءوز كيىمىن جۋىپ، جايىپ قويادى. ول ءوز قىزىنىڭ اۋلادا جۇرگەنىن كورەدى. بىرنەشە مينۋتتان كەيىن ايگەرىمگە كورشىسى كەلىپ، شەشەسى ونىڭ اۋلادا جۇرگەنىن ايتقان. "قورانىڭ ماڭىنان ءوتىپ بارا جاتىپ، ول ايگەرىمنىڭ تۇرىپ تۇرعان ءساتىن كورگەن. ءبىر قاراساق، ول ءىلىنىپ تۇر ەكەن"، - دەدى اناسى. شەشەسى مەن كورشىسى ايگەرىمدى شەشىپ الىپ جاتقان ساتىندە ول ءتىرى بولىپتى. وقيعا ورنىنا كەلگەن دارىگەرلەر شەشەسىنە قىزىنىڭ ءتىپتى ءتىرى ەكەنىن ايتقان. الايدا ايگەرىم اۋرۋحاناعا بارا جاتقان كەزدە قايتىس بولىپتى. باسىلىم مالىمەتىنشە، تالاپكەردىڭ شەشەسى ونى گرانتقا تۇسە الماعاندىقتان وسىنداي ىسكە بارعان دەپ ەسەپتەيدى. ايگەرىم پودستەپنوي قازاق ورتا مەكتەبىن ءبىتىرىپ، ۇبت-دان ءتورت ءپان بويىنشا 93 بالل جيناعان، ال ورىس ءتىلىن ساناماعاندا 73 بالل. 

وسى وقيعاعا قاتىستى مارقۇم وقىعان مەكتەپتىڭ ديرەكتورى تۇسىنىك بەردى - بەرىك نىعمەتوۆتىڭ ايتۋىنشا، ونىڭ تاڭداۋ ءپانى اعىلشىن ءتىلى بولعان. "ءبىز بۇل وقيعا جايلى كەشە بىلدىك. بۇگىن تاڭدا ونىڭ ۇيىنە باردىق. نە ايتا الامىن، اتا-اناسى قايعىلى وقيعاعا قاتتى قينالىپ جاتىر. ايگەرىم ۇزدىك وقىعان جوق، ءبىراق ۇلگەرىمى جاقسى ەدى. ءبىز وعان اعىلشىن ءتىلىن تاڭداپ، گرانتقا يە بولۋدىڭ قيىن ەكەنىن ايتتىق، سەبەبى اعىلشىن ءتىلىن تاڭدايتىندار كوپ"، - دەدى مەكتەپ ديرەكتورى. ايتا كەتەيىك، بۇل مەكتەپتىڭ 15 تۇلەگىنىڭ سەگىزى عانا ءبىلىم بەرۋ گرانتىنا يە بولىپتى.

نۇرزات توعجان