استانانىڭ الماتى اۋداندىق 2-سوتى "استانا ەكسپو-2017" ۇلتتىق كومپانياسى قۇرىلىس دەپارتامەنتىنىڭ بۇرىنعى باسشىسى قاجىمۇرات ۇسەنوۆتى قاماۋ مەرزىمىن 8 قىركۇيەككە دەيىن ۇزارتتى. ۇسەنوۆ "بوتەننىڭ وزىنە سەنىپ تاپسىرىلعان ۇلكەن كولەمدەگى قارجىنى جىمقىرعان" دەگەن كۇدىككە ىلىنگەن. بۇل تۋرالى «قامشى» پورتالى «ازاتتىققا» سىلتەمە جاسايدى.

كەشە استانانىڭ الماتى اۋداندىق سوتى "استانا ەكسپو-2017" كومپانياسىنىڭ بۇرىنعى اتقارۋشى ديرەكتورى سۋلامبەك باركينحويەۆتىڭ قاماۋدا وتىرۋ مەرزىمىن 17 قىركۇيەككە دەيىن ۇزارتقان. مۇنىڭ الدىندا "استانا ەكسپو-2017" كومپانياسىنىڭ بۇرىنعى ديرەكتورى امانگەلدى ەرمەگيايەۆتى قاماۋعا الۋ مەرزىمى 12 قىركۇيەككە دەيىن ۇزارتىلعان.

باركينحويەۆ پەن ەرمەگيايەۆ وزىنە سەنىپ تاپسىرىلعان قارجىنى زاڭسىز يەلەندى دەگەن كۇدىككە ىلىنگەن. "استانا ەكسپو-2017" كومپانياسىنىڭ توپ-مەنەدجەرلەرى ماۋسىم ايىندا ۇستالعان.