كەشە شولپان-اتاداعى «رۋح وردو» سارايىندا وتكەن قازاقستان مەن قىرعىزستان مەملەكەتتەرىنىڭ اراسىنداعى كەدەندىك-شەكارانى اشۋ سالتاناتىندا قىرعىز پرەزيدەنتى المازبەك اتامبايەۆ مىرزا ەل ەكونوميكاسى تۋرالى ءسوز ەتە وتىرىپ، قازاقستانعا دەگەن ىقىلاسىن بىلدىرگەن. بۇل تۋرالى قىرعىزستاندىق «ۆەچەرنىي بيشكەك» باسىلىمى جازعان، دەپ حابارلايدى «قامشى» پورتالى.
مەملەكەتتىك شەكارانى اشۋ سالتاناتىندا المازبەك اتامبايەۆ مىرزا ءوزىنىڭ قازاقستاندىق ارىپتەسى نۇرسۇلتان ءابىش ۇلى تۋرالى اقجارما تىلەگىن بىلايشا بىلدىرگەن ەكەن.
«قىرعىزستاندا نۇرسۇلتان نازاربايەۆتاي پرەزيدەنت بولعان ەمەس، سوندىقتان دا ءبىز دامۋ جاعىنان ارتتا قالىپ كەلەمىز. قازاقستانداعى ءجىو-نىڭ جان باسىنا شاققانداعى مولشەرى بىزدەگىدەن 15-20 ەسە جوعارى. جىل قورىتىندىسى بويىنشا، قازاقستان ءجىو –مولشەرى جونىنەن تمد ەلدەرى اراسىندا ءبىرىنشى ورىنعا شىعادى»، -دەيدى اتامبايەۆ مىرزا.
سونداي-اق، ول حالىقارالىق جيىنداردا قازاقستان پرەزيدەنتىنىڭ جانىندا تۇراتىنىن ماقتان كورەتىندىگىن دە جاسىرماعان.
«ول تەك ورتا ازيادا عانا ەمەس بۇكىل الەمدەگى وزىق مەملەكەتتىڭ كوشباسشىسى. ەكى ەل اراسىنداعى شەكارانى اشۋ – بۇل تاريحي وقيعا. مەنىڭ ەندى ءبىر عانا ارمانىم بار – ول كەلەشەكتە ەكى ەل اراسىندا ەشقانداي كولدەنەڭ كەدەرگىلەر بولماسا ەكەن. سەبەبى، ءبىز باۋىرلاس مەملەكەتتەرمىز»،-دەگەن المازبەك اتامبايەۆ مىرزا سالتاناتتى جيىندا.
سونىمەن قاتار، اتامبايەۆ مىرزا قىرعىزدار مەن قازاقتار بۇكىل تۇركى جۇرتىندا بىر-بىرىنە ەڭ جاقىن باۋىرلار. ءبىر قۋانىشتىسى وسىنداي باۋىرلارىمىز باردا قىرعىزستاننىڭ ءىسى ورگە دومالايتىن بولادى. قۇداي سوعان جەتكىزسىن. ءبىز جارقىن بولاشاققا باعىت الدىق. ەندىگى جەردە ەكى ەل اراسىندا ەشقانداي كەدەرگىلەر بولماسا ەكەن،-دەي كەلە ءتىپتى، ىستىق كولدىڭ اۋا –رايى بىرنەشە كۇننەن بەرى قۇبىلىپ تۇرعان ەدى. ءسىزدىڭ كەلۋىڭىزبەن ىستىق كولدىڭ ءوزى جارقىراپ، ىسىپ سالا بەردى عوي،-دەدى قىرعىز پرەزيدەنتى.
ءوز كەزەگىندە نۇرسۇلتان ءابىش ۇلى قازاقستاننىڭ 1،5 ملرد دوللار ينۆەستيسيا سالعاندىعىن ايتا كەلىپ، ەكى ەل اراسىندا شەكارانى اشقانىمىزدىڭ جەتىستىگىن كورەيىك،-دەدى. «سىزدەردىڭ ۇلكەن اعالارىڭىز رەتىندە مەن ءارقاشان سىزدەرگە كومەك بەرەتىن بولامىن»،-دەدى ق ر پرەزيدەنتى نۇرسۇلتان نازاربايەۆ.
نۇرزات توعجان
پىكىر قالدىرۋ