يندونەزيانىڭ شىعىسىندا اپاتقا ۇشىراعان Trigana Air Service كومپانياسىنىڭ لاينەرىن ىزدەستىرۋ جۇمىستارى باستالدى. بۇل تۋرالى "قامشى" اقپاراتتىق پورتالى Bnews.kz-كە سىلتەمە جاساي وتىرىپ حابارلايدى.  

ءقازىر ىزدەۋ جۇمىستارى جۇرگىزىلىپ جاتقان ايماقتا اۋا رايى قولايسىزدىقتارى تۋىنداعان سەبەپتى، جۇمىستار ۋاقىتشا توقتاتىلعان.  سينوپتيكتەردىڭ بولجاۋىنشا، مۇندا اۋا رايى تەك تۇستەن كەيىن اشىلادى. 
 

ەسكە سالا كەتەيىك، جەكسەنبى كۇنى يندونەزيا كولىك مينيسترلىگىنىڭ وكىلى ATR 42-300 ۇشاعى وكسيبيل قالاسىنان شامامەن 25 شاقىرىم جەردە اپاتقا ۇشىراعانىن مالىمدەگەن.  كەشە قاس قارايىپ قالعاندىقتان ىزدەۋ-قۇتقارۋ وپەراسياسىن توقتاتۋعا تۋرا كەلگەن بولاتىن. ونىڭ ۇستىنە اۋا رايى قولايسىز بولدىقتان  ىزدەۋ جاساعى وقيعا ورنىنا جەتۋ ءۇشىن كەم دەگەندە 3-4 ساعات ۋاقىتتى قاجەت ەتكەن.
لاينەر قونۋعا 10 مينۋت قالعاندا راداردان جوعالىپ كەتىپ، بايلانىس ۇزىلگەن. الدىن الا مالىمەت بويىنشا، ونىڭ بورتىندا 49 جولاۋشى، بەس ەكيپاج مۇشەسى بولعان، ونىڭ ىشىندە بەس بالا بار.